راقىمجان قوشقارباەۆتىڭ تاريحي ەرلىگىن العاش بولىپ الەمگە ايگىلەگەن – مەملەكەت قايراتكەرى ءارى جازۋشى كاكىمجان قازىباەۆ. ول بۇل ءىستى باۋىرجان مومىشۇلىنىڭ تاپسىرماسىمەن قولعا العان.
قازىباەۆ قازاق جاۋىنگەرىنىڭ بۇل ەرلىگى ەسكەرۋسىز قالماۋى ءۇشىن كوپ ىزدەنىپ، جۇزدەن استام رەسمي قۇجاتتاردى جيناقتاپ، ونىڭ تاريحي شىندىق ەكەنىن دالەلدەدى. سونىڭ ناتيجەسىندە قوشقارباەۆتىڭ ەرلىگى شەتەلدىك باسىلىمداردا دا جاريا ەتىلىپ، حالىقارالىق دەڭگەيدە تانىلدى.
راقىمجان قوشقارباەۆ اقمولا وبلىسىنىڭ تسەلينوگراد اۋدانىندا دۇنيەگە كەلگەن. 1942 جىلى اسكەر قاتارىنا شاقىرىلىپ، 1944 جىلدىڭ قازان ايىنان باستاپ 1-بەلارۋس مايدانىنىڭ قۇرامىنداعى يدريتسك اتقىشتار ديۆيزياسىندا 150-ءشى ۆزۆودتى باسقارعان. ول پولشا مەن گەرمانيا اۋماعىنداعى اۋىر شايقاستارعا قاتىسىپ، باتىرلىق كورسەتكەن.
