1945 jyly däl osy künı Raqymjan Qoşqarbaev pen Grigorii Bulatov Reihstagqa tu tıktı.
Reseidıŋ Äskeri tarih instituty 1-ı Belarus maidanyndaǧy 150-ı atqyştar diviziiasynyŋ leitenanty Raqymjan Qoşqarbaevtyŋ 1945 jyldyŋ 30 säuırınde Reihstagqa tu tıkkenı turaly tarihi oqiǧany 2007 jyldyŋ 7 mamyrynda resmi türde rastady.
Raqymjan Qoşqarbaevtyŋ tarihi erlıgın alǧaş bolyp älemge äigılegen – memleket qairatkerı ärı jazuşy Käkımjan Qazybaev. Ol būl ıstı Bauyrjan Momyşūlynyŋ tapsyrmasymen qolǧa alǧan.
Qazybaev qazaq jauyngerınıŋ būl erlıgı eskerusız qalmauy üşın köp ızdenıp, jüzden astam resmi qūjattardy jinaqtap, onyŋ tarihi şyndyq ekenın däleldedı. Sonyŋ nätijesınde Qoşqarbaevtyŋ erlıgı şeteldık basylymdarda da jariia etılıp, halyqaralyq deŋgeide tanyldy.
Raqymjan Qoşqarbaev Aqmola oblysynyŋ Selinograd audanynda düniege kelgen. 1942 jyly äsker qataryna şaqyrylyp, 1944 jyldyŋ qazan aiynan bastap 1-Belarus maidanynyŋ qūramyndaǧy İdrisk atqyştar diviziiasynda 150-şı vzvodty basqarǧan. Ol Polşa men Germaniia aumaǧyndaǧy auyr şaiqastarǧa qatysyp, batyrlyq körsetken.
