رەسەي ۋكراينانىڭ قىرىم وبلىستارىن، سونداي-اق باسىپ الىنعان دونەتسك، لۋگانسك، حەرسون جانە زاپوروجە وبلىستارىن ءوزىنىڭ زاڭدى بولىگى رەتىندە تانۋدى تالاپ ەتتى. بۇل اۋماقتاردىڭ رەسەيلىك بولىپ تانىلۋى رەسەيدىڭ ۋكرايناعا باسىپ كىرۋىن اياقتاۋدىڭ "مىندەتتى شارتى" دەپ مالىمدەدى رەسەيدىڭ سىرتقى ىستەر ءمينيسترى سەرگەي لاۆروۆ 28 ساۋىردە برازيليالىق “O Globo” گازەتىنە بەرگەن سۇحباتىندا، دەپ حابارلايدى “ادىرنا”.
“ماسكەۋدىڭ باسقا تالاپتارىنا ۋكرايناعا ناتو-عا كىرۋگە جول بەرمەۋ، ونىڭ "بەيتاراپ جانە بلوكتىق ەمەس مارتەبە" قابىلداۋى، سونداي-اق ونىڭ "دەميليتاريزاتسياسى مەن دەناتسيفيكاتسياسى" جانە رەسەيگە قارسى سانكتسيالاردىڭ جويىلۋى، رەسەيگە قاتىستى زاڭدى تالاپتاردىڭ توقتاتىلۋى مەن ارەست وردەرلەرىنىڭ جويىلۋى كىرەدى”، دەدى لاۆروۆ.
سەرگەي لاۆروۆتىڭ ايتۋىنشا، رەسەي ناتو، ەۋروپا وداعى جانە ولاردىڭ مۇشەلەرى تاراپىنان رەسەيدىڭ باتىس شەكارالارىنداعى قاۋىپتەردەن "سەنىمدى قاۋىپسىزدىك كەپىلدىكتەرىن" تالاپ ەتەتىنىن ايتتى. وسى ۋاقىتتا كيەۆتىڭ بارلىق مىندەتتەمەلەرى "زاڭدى تۇردە بەكىتىلىپ، قامتاماسىز ەتۋ تەتىكتەرى بولۋى جانە مەرزىمسىز سيپاتتا بولۋى كەرەك" دەپ سانايدى ول.
الايدا، اقش پرەزيدەنتى دونالد ترامپ، سوڭعى بىرنەشە ايدا ۋكرايناداعى سوعىستى توقتاتۋ ءۇشىن كەلىسسوزدەر جۇرگىزىپ جۇرگەن. 27 ساۋىردە ۋكراينا پرەزيدەنتى ۆلاديمير زەلەنسكيدىڭ رەسەي اننەكسيالاعان قىرىمنان باس تارتۋعا دايىن ەكەنىن ايتتى.
26 ءساۋىر كۇنى ۆاتيكاندا زەلەنسكيمەن كەزدەسۋىنەن كەيىن ترامپ كرەملگە بەيبىت كەلىسىمگە قول قويۋدان باس تارتسا، سانكتسيالارمەن قورقىتقانىن اتاپ ءوتتى، بىراق بىرنەشە كۇن بۇرىن كيەۆتى كىنالاعان بولاتىن.
“ۆلاديمير ءپۋتيننىڭ ارەكەتتەرى سوعىستى توقتاتۋعا دەگەن ىقىلاسىنىڭ جوقتىعىن، بالكىم، مەنى الداپ جۇرگەنىن كورسەتۋى مۇمكىن”، دەپ باسا ايتتى ترامپ.
