قاراعاندى وبلىسىندا باحتين ورمان شارۋاشىلىعى اۋماعىندا ءىرى ءورت بولدى، دەپ حابارلايدى "ادىرنا" ۇلتتىق پورتالى.
توتەنشە جاعدايلار مينيسترلىگىنىڭ ءباسپاسوز قىزمەتىنىڭ مالىمەتىنشە، قارقارالى اۋدانىنا قاراستى اينابۇلاق اۋىلىنان 20 شاقىرىم جەردە باحتين ورمان شارۋاشىلىعىنىڭ اشىق اۋماعىندا قۇرعاق ءشوپ پەن ورمان جيەگىنىڭ جانۋى تىركەلگەن.
ءورتتى سوندىرۋگە 157 ادام، 26 تەحنيكا بىرلىگى، ءبىر ۇشقىشسىز ۇشۋ اپپاراتى، تجم «قازاۆياقۇتقارۋ» مەكەمەسىنىڭ سۋ توگۋ قۇرىلعىلارى بار ءۇش اۋە كەمەسى، «قازاۆيالەسووحرانا» مەكەمەسىنىڭ ءبىر تىكۇشاعى، سونداي-اق اكىمدىك قىزمەتكەرلەرى، باحتين ورمان شارۋاشىلىعى مەن كۋۆ ورمان شارۋاشىلىعىنىڭ ماماندارى، «قازاۆيالەسووحرانا» دەسانتشىلارى جانە اۋىلدىق وكرۋگتەردىڭ ەرىكتى ءورت ءسوندىرۋ جاساقتارى جۇمىلدىرىلعان.
مينيسترلىكتىڭ مالىمەتىنشە، ەلدى مەكەندەرگە قاۋىپ ءتونىپ تۇرعان جوق.
قازىرگى ۋاقىتتا تجم اۋە كەمەلەرى ارقىلى التى رەت سۋ توگۋ وپەراتسياسى جۇرگىزىلۋدە.
