مەملەكەت باسشىسى قاسىم-جومارت توقاەۆ قازاقستاندىقتاردى 23 ءساۋىر — ۇلتتىق كىتاپ كۇنىمەن قۇتتىقتادى، دەپ حابارلايدى "ادىرنا" ۇلتتىق پورتالى اقورداعا سىلتەمە جاساپ.
بىلتىر اتىراۋدا وتكەن ۇلتتىق قۇرىلتايدا پرەزيدەنت ۇلتتىق كىتاپ كۇنىن بەلگىلەۋ جونىندە تاپسىرما بەرگەن ەدى. سوعان سايكەس، بيىلدان باستاپ 23 ءساۋىر – ۇلتتىق كىتاپ كۇنى بولىپ بەلگىلەندى.
"بيىل العاش رەت اتالىپ جاتقان ۇلتتىق كىتاپ كۇنى قۇتتى بولسىن! بۇل – بىلىمپازدىق، ىزدەنىمپازدىق، كىتاپقۇمارلىق سياقتى يگى قاسيەتتەردى دارىپتەيتىن كۇن. كىتاپ وقىعان ۇرپاق وزىق ويلى بولادى. ساپالى ۇلت وسىنداي قۇندىلىقتار ارقىلى قالىپتاسادى", – دەلىنگەن پرەزيدەنتتىڭ قۇتتىقتاۋىندا.
سونداي-اق، بۇگىن - دۇنيەجۇزىلىك كىتاپ جانە اۆتور قۇقىعىن قورعاۋ كۇنى.
بۇل اتاۋلى كۇن 1996 جىلى UNESCO شەڭبەرىندە ۋيليام شەكسپير (1564-1616), ميگەل دە سەرۆانتەس (1547-1616) جانە جازۋشى-تاريحشى ينكو گارسيلاسودە لا ۆەگانى (1539-1616) ەسكە الۋ ماقساتىندا بەكىتىلگەن. ءۇش جازۋشى دا 1616 جىلعى ءساۋىردىڭ 23-ىندە ومىردەن وتكەن. قازىر وسى اتاۋلى مەرەكەگە ورايلاستىرىپ، بارلىق وركەنيەتتى ەلدەردە كىتاپ جارمەڭكەلەرى، كورمەلەر مەن فەستيۆالدار وتەدى.
حالىقارالىق اتاۋلى كۇننىڭ ماقساتى — كىتاپ پەن ونىڭ اۆتورلارىنا قۇرمەت كورسەتۋ عانا ەمەس، حالىقتى اعارتۋ، مادەني داستۇرلەر ساناسىن دامىتۋ.
