«ارسەلورميتتال تەمىرتاۋ» كومپانياسىنىڭ مەتاللۋرگيالىق زاۋىتىنىڭ ەكى جۇمىسشىسى قاتتى كۇيىپ، اۋرۋحاناعا ءتۇستى. جاراقات العاندار جانساقتاۋ بولىمىندە جاتىر، دەپ حابارلايدى "ادىرنا" ۇلتتىق پورتالى.
اپاتتان «ارسەلورميتتال تەمىرتاۋ» اق مەتاللۋرگيالىق زاۋىتىنىڭ 27 جانە 37 جاستاعى جۇمىسشىلارى زارداپ شەكتى. كونۆەرتەر تسەحىنىڭ ارالاستىرۋ بولمەسىندە كراندى كوتەرۋ كەزىندە ولاردىڭ ۇستىنە شويىن ءشومىش قۇلادى. جۇمىسشىلار ىستىق تەمىر بالقىماسىمەن كۇيىپ تۇسكەن دەپ حابارلاندى.
«1984 جىلى تۋىلعان كران جۇرگىزۋشىسى 2-3 دارەجەلى كۇيىك الدى. ونىڭ دەنە بەتىنىڭ 20 پايىزى كۇيىك شالعان. ەكىنشى كران جۇرگىزۋشىسى 1994 جىلى تۋىلعان. ءۇشىنشى جانە ءتورتىنشى دارەجەلى كۇيىكتەر بار، دەنە بەتىنىڭ شامامەن 70 پايىزى كۇيگەن. زارداپ شەككەندەردىڭ جاعدايى اۋىر دەپ باعالاندى. رەانيماتسيالىق شارالاردان كەيىن ولار قاراعاندى قالاسىنىڭ وبلىستىق مەديتسينالىق ورتالىعىنىڭ كۇيىك شالۋ ورتالىعىنا جەتكىزىلدى»، دەپ حابارلادى« ارسەلورميتتال تەمىرتاۋ »اق ءباسپاسوز قىزمەتى.
وبلىستىق دەنساۋلىق ساقتاۋ باسقارماسىنىڭ ءباسپاسوز قىزمەتى زارداپ شەككەن ەكى ادامنىڭ دا جاعدايى اۋىر دەپ باعالانىپ وتىرعانىن اتاپ ءوتتى. ولار جانساقتاۋ بولىمىندە جاتىر.
"ادىرنا" ۇلتتىق پورتالى
