بۇگىن، 21 ساۋىردە تۇرىكمەنستان حالك ماسلاحاتىنىڭ توراعاسى گۋربانگۋلى بەردىمۇحامەدوۆ قازاقستانعا كەلدى. بۇل تۋرالى اقوردانىڭ ءباسپاسوز قىزمەتى جازدى، دەپ حابارلايدى «ادىرنا» ءتىلشىسى.
پرەزيدەنت مارتەبەلى مەيماندى تۇركىستان اۋەجايىنان قارسى الدى.
ساپار اياسىندا قاسىم-جومارت توقاەۆ پەن گۋربانگۋلى بەردىمۇحامەدوۆ تۇركى تىلدەس ەلدەرگە ورتاق ەڭ كورنەكتى رۋحاني جانە تاريحي-مادەني ەسكەرتكىشتەردىڭ ءبىرى، يۋنەسكو بۇكىلالەمدىك مۇرالار تىزىمىنە ەنگەن قوجا احمەت ياساۋي كەسەنەسىنە باردى.
«مارتەبەلى مەيماندار ايگىلى ويشىلدىڭ رۋحىنا تاعزىم ەتىپ، قۇران باعىشتادى. سونداي-اق كەسەنەدە جۇرگىزىلىپ جاتقان رەستاۆراتسيالىق جانە عىلىمي-زەرتتەۋ جۇمىستارىمەن تانىستى»،- دەلىنگەن حابارلامادا.
