بيىل «قازاقستان ايەلدەرى» قوعامدىق-ساياسي جۋرنالىنىڭ جارىق كورگەنىنە 100 جىل تولىپ وتىر، دەپ حابارلايدى «ادىرنا» ءتىلشىسى.
باسىلىم 1925 جىلدىڭ مامىر ايىندا «تەڭدىك» گازەتىنىڭ نەگىزىندە «ايەل تەڭدىگى» اتاۋىمەن ورىنبور قالاسىندا شىققان بولاتىن. 1926 جىلدىڭ شىلدە ايىنان باستاپ «تەڭدىك» گازەتى تارالىمى 3000 دانانى قۇرايتىن «ايەل تەڭدىگى» اتاۋىمەن شىعا باستادى.
جۋرنالدىڭ العاشقى رەداكتورى – قازاقستاننىڭ قوعام قايراتكەرى، رەداكتورلار مەن جۋرناليستەر اراسىنداعى تۇڭعىش ايەل، قىزىل كيىز ۇيلەر مەن سەنبىلىكتەردىڭ ۇيىمداستىرۋشىسى سارا ەسوۆا. جۋرنالدى شىعارۋ جۇمىسىنا ش.قوجاحمەتوۆ، ر. سۇگىروۆ، س.مۇقانوۆ بەلسەنە قاتىسقان. 1955 جىلعى قاڭتار ايىنان باستاپ جۋرنال «قازاقستان ايەلدەرى» بولىپ قايتا اتالدى.
جۋرنال ايەل قۇقىعى، ولاردىڭ قوعامداعى جانە وتباسىنداعى ءرولى، قازاقستاننىڭ داستۇرلەرى مەن مادەنيەتى، ساندەگى زاماناۋي ۇردىستەر، سۇلۋلىق پەن دەنساۋلىق تۋرالى سىندى تاقىرىپتاردى كوتەرىپ ءجۇر. باسىلىم «قۇرمەت بەلگىسى» وردەنىمەن ماراپاتتالعان.
قازىرگى ۋاقىتتا «قازاقستان ايەلدەرى»قوعامدىق-ساياسي، ادەبي-كوركەم جۋرنالى تاقىرىپتاردىڭ وزەكتىلىگىن جانە ماتەريالداردىڭ جوعارى ساپاسىن ساقتاي وتىرىپ، تۇراقتى تۇردە شىعۋدى جالعاستىرۋدا. جۋرنال ەكى ايدا ءبىر رەت 1700 دانامەن شىعادى.
