Bıyl «Qazaqstan áıelderi» qoǵamdyq-saıası jýrnalynyń jaryq kórgenine 100 jyl tolyp otyr, dep habarlaıdy «Adyrna» tilshisi.
Basylym 1925 jyldyń mamyr aıynda «Teńdik» gazetiniń negizinde «Áıel teńdigi» ataýymen Orynbor qalasynda shyqqan bolatyn. 1926 jyldyń shilde aıynan bastap «Teńdik» gazeti taralymy 3000 danany quraıtyn «Áıel teńdigi» ataýymen shyǵa bastady.
Jýrnaldyń alǵashqy redaktory – Qazaqstannyń qoǵam qaıratkeri, redaktorlar men jýrnalıster arasyndaǵy tuńǵysh áıel, Qyzyl kıiz úıler men senbilikterdiń uıymdastyrýshysy Sara Esova. Jýrnaldy shyǵarý jumysyna Sh.Qojahmetov, R. Súgirov, S.Muqanov belsene qatysqan. 1955 jylǵy qańtar aıynan bastap jýrnal «Qazaqstan áıelderi» bolyp qaıta ataldy.
Jýrnal áıel quqyǵy, olardyń qoǵamdaǵy jáne otbasyndaǵy róli, Qazaqstannyń dástúrleri men mádenıeti, sándegi zamanaýı úrdister, sulýlyq pen densaýlyq týraly syndy taqyryptardy kóterip júr. Basylym «Qurmet belgisi» ordenimen marapattalǵan.
Qazirgi ýaqytta «Qazaqstan áıelderi»qoǵamdyq-saıası, ádebı-kórkem jýrnaly taqyryptardyń ózektiligin jáne materıaldardyń joǵary sapasyn saqtaı otyryp, turaqty túrde shyǵýdy jalǵastyrýda. Jýrnal eki aıda bir ret 1700 danamen shyǵady.
