Taraz qalasyndaǧy №54 mekteptıŋ 10-synyp oquşysy Qydyrälı Qyzdarbek naǧyz erlık jasap, beibıt künnıŋ qaharmany atandy, dep habarlaidy “Adyrna” ūlttyq portaly.
Būl turaly Halyqstan telegram arnasy habarlady.
Oqiǧa 15-şaǧynaudandaǧy köpqabatty üide bolǧan. Mektepten qaityp kele jatqan Qydyrälı besınşı qabattaǧy päterden şyǧyp jatqan tütındı baiqap, bırden kömekke ūmtylǧan.
Kuägerlerdıŋ aituynşa, adamdar syrtqa qaşyp jatqan sätte Qydyrälı eş oilanbastan podezge jügırıp kırıp ketken. Örtenıp jatqan päterde bıreuı besıkte jatqan, ekınşısı oinap jürgen ekı bala bolǧan. Jasöspırım ekeuın de qūtqaryp, balalardyŋ anasymen qauyştyrdy.
“Ol balalardy köterıp alyp şyqty. Keiın taǧy bıreu qalyp qoiǧan joq pa dep, qaita kırıp şyqty. Būl ülken erlık!” — deidı tūrǧyndar.
Ört söndıruşıler kelgen soŋ Qydyrälı eş daŋq kütpesten üiıne qaityp ketken.
Ūqsas jaŋalyqtar
