Taraz qalasyndaǵy №54 mekteptiń 10-synyp oqýshysy Qydyráli Qyzdarbek naǵyz erlik jasap, beıbit kúnniń qaharmany atandy, dep habarlaıdy “Adyrna” ulttyq portaly.
Bul týraly Halyqstan telegram arnasy habarlady.
Oqıǵa 15-shaǵynaýdandaǵy kópqabatty úıde bolǵan. Mektepten qaıtyp kele jatqan Qydyráli besinshi qabattaǵy páterden shyǵyp jatqan tútindi baıqap, birden kómekke umtylǵan.
Kýágerlerdiń aıtýynsha, adamdar syrtqa qashyp jatqan sátte Qydyráli esh oılanbastan podezge júgirip kirip ketken. Órtenip jatqan páterde bireýi besikte jatqan, ekinshisi oınap júrgen eki bala bolǵan. Jasóspirim ekeýin de qutqaryp, balalardyń anasymen qaýyshtyrdy.
“Ol balalardy kóterip alyp shyqty. Keıin taǵy bireý qalyp qoıǵan joq pa dep, qaıta kirip shyqty. Bul úlken erlik!” — deıdi turǵyndar.
Órt sóndirýshiler kelgen soń Qydyráli esh dańq kútpesten úıine qaıtyp ketken.
