قازاقستان كىمگە جانە قانشا قارىز؟

3539
Adyrna.kz Telegram

قازاقستاننىڭ مەملەكەتتىك قارىزى - 40 ميلليارد دوللار نەمەسە 15 تريلليون تەڭگە. بۇل تۋرالى تengrinews.kz رەسمي ساۋالىنا قارجى مينيسترلىگىنىڭ وكىلدەرى جاۋاپ بەردى.

2019 جىلى 1 شىلدەدە مەملەكەتتىك قارىز مولشەرى وسىنداي بولدى. ۆەدومستۆو وكىلدەرى 31 ميلليارد دوللاردىڭ نەمەسە 12 تريلليون تەڭگەدەن اسا سوما - ۇكىمەتتىك قارىز ەكەنىن ايتتى. سونىمەن قاتار، سىرتقى قارىز - 5,4 تريلليون تەڭگە (14 ميلليارد دوللار), ال ىشكى قارىز - 6,7 تريلليون تەڭگە (17 ميلليارد دوللار).

ۇكىمەتتىڭ سىرتقى قارىزى

سىرتقى ۇكىمەتتىك قارىزدىڭ جالپى كولەمىنەن 2,3 تريلليون تەڭگە - بۇل حالىقارالىق قارجى ۇيىمدارىنان الىنعان نەسيە. ولاردىڭ ىشىندە حالىقارالىق قايتا قۇرۋ جانە دامۋ بانكى، ەۋروپالىق قايتا قۇرۋ جانە دامۋ بانكى، ازيا دامۋ بانكى جانە يسلام دامۋ بانكى بار.

سىرتقى قارىزدىڭ جالپى كولەمىنەن ەۋرووبليگاتسيالار - 2,9 تريلليون تەڭگە.

سىرتقى ۇكىمەتتىك قارىز شەتەلدىك كوممەرتسيالىق بانكتەرگە، شەت مەملەكەتتەردىڭ ۇكىمەتتىك ۇيىمدارىنا 253 ميلليارد تەڭگەنى قامتيدى. ولاردىڭ اراسىندا اراب ەكونوميكالىق دامۋىنىڭ كۋۆەيت قورى، ابۋ-دابي دامۋ قورى، جاپون حالىقارالىق ىنتىماقتاستىق اگەنتتىگى جانە گەرمانيا ۇكىمەتىنىڭ نەسيەلىك اگەنتتىگى بار.

قارجى مينيسترلىگىنىڭ وكىلدەرى ۇكىمەت قارىزى رەسپۋبليكالىق بيۋدجەت قاراجاتىنان وتەلەتىنىن ەسكە سالدى.

"وتەۋ كەلىسىمدەرمەن بەلگىلەنگەن مەرزىمدە جۇزەگە اسىرىلادى. قارجى مينيسترلىگى ۇكىمەتتىك قارىز الۋدىڭ، جيناقتالعان قارىزدىڭ مولشەرىن، وتەۋ تولەمدەرىنىڭ قاجەتتى مونيتورينگىن ۇزدىكسىز نەگىزدە جۇزەگە اسىرىپ وتىرادى", - دەدى مينيسترلىك وكىلدەرى.

قازاقستانعا كىم قارىز؟

شەت مەملەكەتتەرگە كەلەتىن بولساق، بۇگىنگى تاڭدا قازاقستان الدىنداعى قارىز تەك گرۋزيادا عانا بار. نەگىزگى قارىز مولشەرى - 25,4 ميلليون دوللار. قارجى مينيسترلىگىنىڭ مالىمەتىنشە، گرۋزيا تاراپى ەلدەگى اۋىر ەكونوميكالىق جاعدايعا بايلانىستى تولەمدى توقتاتقان، سول سەبەپتى 2017 جىلى بۇل قارىز قۇرىلىمىن وزگەرتتى.

"نەگىزگى قارىز بۇرىنعىداي قالدى، بىراق وتەۋ مەرزىمى مەن شارتتارى قايتا قارالدى - 2017 جىلدان 2025 جىلعا دەيىن. وتەلەتىن قورىتىندى سوما - 37,9 ميلليون دوللار. قازىرگى ۋاقىتتا تولەمدەر بەلگىلەنگەن مەرزىمدە جانە تولىق كولەمدە جۇزەگە اسىرىلادى. اعىمداعى جىلدىڭ قىركۇيەك ايىنداعى جاعداي بويىنشا شەتەل مەملەكەتتەرىنىڭ قازاقستان الدىندا قارىزى جوق", - دەپ تولىقتىردى ۆەدومستۆو وكىلدەرى.

پىكىرلەر