Qazaqstannyń memlekettik qaryzy - 40 mıllıard dollar nemese 15 trıllıon teńge. Bul týraly Tengrinews.kz resmı saýalyna Qarjy mınıstrliginiń ókilderi jaýap berdi.
2019 jyly 1 shildede memlekettik qaryz mólsheri osyndaı boldy. Vedomstvo ókilderi 31 mıllıard dollardyń nemese 12 trıllıon teńgeden asa soma - úkimettik qaryz ekenin aıtty. Sonymen qatar, syrtqy qaryz - 5,4 trıllıon teńge (14 mıllıard dollar), al ishki qaryz - 6,7 trıllıon teńge (17 mıllıard dollar).
Úkimettiń syrtqy qaryzy
Syrtqy úkimettik qaryzdyń jalpy kóleminen 2,3 trıllıon teńge - bul halyqaralyq qarjy uıymdarynan alynǵan nesıe. Olardyń ishinde Halyqaralyq qaıta qurý jáne damý banki, Eýropalyq qaıta qurý jáne damý banki, Azııa Damý Banki jáne Islam Damý Banki bar.
Syrtqy qaryzdyń jalpy kóleminen eýrooblıgaııalar - 2,9 trıllıon teńge.
Syrtqy úkimettik qaryz sheteldik kommerııalyq bankterge, shet memleketterdiń úkimettik uıymdaryna 253 mıllıard teńgeni qamtıdy. Olardyń arasynda arab ekonomıkalyq damýynyń Kýveıt qory, Abý-Dabı Damý Qory, Japon halyqaralyq yntymaqtastyq agenttigi jáne Germanııa úkimetiniń nesıelik agenttigi bar.
Qarjy mınıstrliginiń ókilderi Úkimet qaryzy respýblıkalyq bıýdjet qarajatynan óteletinin eske saldy.
"Óteý kelisimdermen belgilengen merzimde júzege asyrylady. Qarjy mınıstrligi úkimettik qaryz alýdyń, jınaqtalǵan qaryzdyń mólsherin, óteý tólemderiniń qajetti monıtorıngin úzdiksiz negizde júzege asyryp otyrady", - dedi mınıstrlik ókilderi.
Qazaqstanǵa kim qaryz?
Shet memleketterge keletin bolsaq, búgingi tańda Qazaqstan aldyndaǵy qaryz tek Grýzııada ǵana bar. Negizgi qaryz mólsheri - 25,4 mıllıon dollar. Qarjy mınıstrliginiń málimetinshe, Grýzııa tarapy eldegi aýyr ekonomıkalyq jaǵdaıǵa baılanysty tólemdi toqtatqan, sol sebepti 2017 jyly bul qaryz qurylymyn ózgertti.
"Negizgi qaryz burynǵydaı qaldy, biraq óteý merzimi men sharttary qaıta qaraldy - 2017 jyldan 2025 jylǵa deıin. Óteletin qorytyndy soma - 37,9 mıllıon dollar. Qazirgi ýaqytta tólemder belgilengen merzimde jáne tolyq kólemde júzege asyrylady. Aǵymdaǵy jyldyń qyrkúıek aıyndaǵy jaǵdaı boıynsha shetel memleketteriniń Qazaqstan aldynda qaryzy joq", - dep tolyqtyrdy vedomstvo ókilderi.
