الماتىدا جىبەك جولى كوشەسىندە قالانىڭ 21 مەيرامحاناسىن ءبىر الاڭعا بىرىكتىرگەن ALMATY GASTRO WEEK ءوتىپ جاتىر.
كۇنى بويى قوناقتار قاتىسۋشى مەيرامحانالاردىڭ تاعامدارىمەن تانىسىپ، شەف-اسپازداردىڭ جۇمىسىن تاماشالاپ، مادەني جانە ويىن-ساۋىق باعدارلاماسىنا قاتىسا الادى.
ءىس-شارانىڭ باستى وقيعالارىنىڭ ءبىرى دۋبايداعى Michelin جۇلدىزىنا يە 11 Woodfire مەيرامحاناسىنىڭ باس اسپازى براندو موروستىڭ شەبەرلىك ساباعى بولدى. ول تاعام دايىنداۋدىڭ زاماناۋي تاسىلدەرىن كورسەتىپ، اۆتورلىق تاعام ۇسىندى.
جەرگىلىكتى ونىمدەر مەن قالانىڭ سيمۆوليكاسىنا ەرەكشە نازار اۋدارىلدى. الما — الماتىنىڭ باستى سيمۆولدارىنىڭ ءبىرى بولعاندىقتان، شەف جاسىل الما قوسىلعان تەڭىز تاراعىنان سەۆيچە دايىندادى. تەڭىز ءونىمى مەن بالعىن جاسىل المانىڭ ەرەكشە ۇيلەسىمى ءىس-شارانىڭ گاسترونوميالىق ەرەكشەلىكتەرىنىڭ بىرىنە اينالدى.
سونداي-اق، باعدارلاما اياسىندا بارمەن-شوۋ، «FAMOUS» Live Band توبىنىڭ ونەر كورسەتۋى، DJ-سەتتەر، ينتەراكتيۆتى باعدارلامالار جانە يلليۋزيالىق MAJESTIC SHOW وتەدى.
كونتسەرت «دوس-مۇقاسان» ءانسامبلىنىڭ ونەر كورسەتۋىمەن تۇيىندەلەدى.
