رەسەيلىك «كدۆ گرۋپپ» حولدينگىنىڭ قازاقستانداعى بولىمشەسى – «كدۆ كازاحستان» جشس-ءى باعاعا مانيپۋلياتسيا جاسادى دەگەن كۇدىككە ءىلىندى، دەپ حابارلايدى "ادىرنا" ۇلتتىق پورتالى.
وسى كومپانياعا قاتىستى تەرگەۋدى قازاقستان رەسپۋبليكاسىنىڭ باسەكەلەستىكتى قورعاۋ جانە دامىتۋ اگەنتتىگى (بقدا) جۇرگىزىپ جاتىر.
بقدا مالىمەتىنشە، كومپانيا بىردەي كونديتەرلىك ونىمدەردى ءارتۇرلى باعامەن جانە ءارتۇرلى شارتتارمەن ۇسىنعان. وسىعان بايلانىستى رەسەيلىك حولدينگتىڭ قازاقستانداعى ەنشىلەس كومپانياسى باعا ديسكريميناتسياسىنا جانە قازاقستاننىڭ باسەكەلەستىك زاڭناماسىن بۇزۋعا قاتىسى بار دەگەن كۇدىككە ءىلىندى.
«انتيمونوپوليالىق ورگان بۇعان دەيىن “كدۆ قازاقستان” جشس-ىنە انىقتالعان زاڭبۇزۋشىلىق بەلگىلەرىن ەرىكتى تۇردە جويۋ تۋرالى حابارلاما جولداعان. الايدا كومپانيا بۇل ەسكەرتۋدى ەلەمەگەن. سونىڭ ناتيجەسىندە تەرگەۋ باستالدى»، – دەپ مالىمدەدى اگەنتتىك.
«كدۆ قازاقستان» جشس – ءىرى رەسەيلىك ازىق-تۇلىك حولدينگى «كدۆ گرۋپپ»-تىڭ بولىمشەسى. بۇل كومپانياعا ءتۇرلى برەندتەرمەن 700-دەن استام ءونىم ءتۇرىن شىعاراتىن 15 فابريكا تيەسىلى. ونىمدەرى قازاقستاننان بولەك، تمد ەلدەرىنە دە ەكسپورتتالادى.
«كدۆ گرۋپپ»-تى رەسەيدە كاسىپكەر دەنيس شتەنگەلوۆ نەگىزىن قالاعان. Forbes دەرەگىنشە، 2023 جىلعى مالىمەت بويىنشا ونىڭ بايلىعى شامامەن 1,3 ميلليارد دوللاردى قۇرايدى.
