Reseilık «KDV Grupp» holdingınıŋ Qazaqstandaǧy bölımşesı – «KDV Kazahstan» JŞS-ı baǧaǧa manipuliasiia jasady degen küdıkke ılındı, dep habarlaidy "Adyrna" ūlttyq portaly.
Osy kompaniiaǧa qatysty tergeudı Qazaqstan Respublikasynyŋ Bäsekelestıktı qorǧau jäne damytu agenttıgı (BQDA) jürgızıp jatyr.
BQDA mälımetınşe, kompaniia bırdei konditerlık önımderdı ärtürlı baǧamen jäne ärtürlı şarttarmen ūsynǧan. Osyǧan bailanysty reseilık holdingtıŋ Qazaqstandaǧy enşıles kompaniiasy baǧa diskriminasiiasyna jäne Qazaqstannyŋ bäsekelestık zaŋnamasyn būzuǧa qatysy bar degen küdıkke ılındı.
«Antimonopoliialyq organ būǧan deiın “KDV Qazaqstan” JŞS-ıne anyqtalǧan zaŋbūzuşylyq belgılerın erıktı türde joiu turaly habarlama joldaǧan. Alaida kompaniia būl eskertudı elemegen. Sonyŋ nätijesınde tergeu bastaldy», – dep mälımdedı agenttık.
«KDV Qazaqstan» JŞS – ırı reseilık azyq-tülık holdingı «KDV Grupp»-tyŋ bölımşesı. Būl kompaniiaǧa türlı brendtermen 700-den astam önım türın şyǧaratyn 15 fabrika tiesılı. Önımderı Qazaqstannan bölek, TMD elderıne de eksporttalady.
«KDV Grupp»-ty Reseide käsıpker Denis Ştengelov negızın qalaǧan. Forbes deregınşe, 2023 jylǧy mälımet boiynşa onyŋ bailyǧy şamamen 1,3 milliard dollardy qūraidy.
