بۇگىن - قوزى كورپەش مەن بايان سۇلۋ كۇنى. قازاقستاندا 2011 جىلدان باستاپ ءساۋىر ايىنىڭ 15-ءى ۇلتتىق عاشىقتار كۇنى رەتىندە اتالىپ وتەدى.
بۇل كۇندى اتاپ ءوتۋ تۋرالى باستاما 1999 جىلى كوتەرىلگەن بولاتىن. وسى مەرەكە حIV-XV عاسىرلارداعى قوزى كورپەش – بايان سۇلۋ ماحابباتىنىڭ سيمۆولى رەتىندە اتالادى.
ال تاريحقا ۇڭىلسەك، قوزى كورپەش پەن بايان سۇلۋ – قازاق حالقىنىڭ XIII-XIV عاسىرداعى ليرو-ەپيكالىق پوەماسىنىڭ كەيىپكەرلەرى. بۇل جىردا قوس عاشىقتىڭ ءبىر-بىرىنە دەگەن كىرشىكسىز ماحابباتى، ەرىكسىز ايىرىلىسۋى جانە تراگەديالىق تاعدىرى باياندالادى. قوزىنىڭ ەرتە شەتىن تاپقانى، باياننىڭ ونى كۇتە ءجۇرىپ، ءوز ءومىرىن دە قۇربان ەتۋى – بۇل جىردىڭ ەموتسيونالدىق قۋاتىن ارتتىرادى. شىعارمادا تەك ماحاببات قانا ەمەس، الەۋمەتتىك تەڭسىزدىك، قىز بوستاندىعى، ادامگەرشىلىك سىندى تاقىرىپتار دا قوزعالادى.
جىردىڭ ونداعان نۇسقاسى بار. ول تەك قازاق جەرىندە عانا ەمەس، تاتار، باشقۇرت، نوعاي حالىقتارىنىڭ اۋىز ادەبيەتىندە دە كەزدەسەدى. بۇل – جىردىڭ كەڭ تارالعانىن جانە ونىڭ تەرەڭ ماعىنالىق مازمۇنىن كورسەتەدى.
