Búgin - Qozy Kórpesh men Baıan sulý kúni. Qazaqstanda 2011 jyldan bastap sáýir aıynyń 15-i Ulttyq ǵashyqtar kúni retinde atalyp ótedi.
Bul kúndi atap ótý týraly bastama 1999 jyly kóterilgen bolatyn. Osy mereke HIV-XV ǵasyrlardaǵy Qozy Kórpesh – Baıan sulý mahabbatynyń sımvoly retinde atalady.
Al tarıhqa úńilsek, Qozy Kórpesh pen Baıan sulý – qazaq halqynyń XIII-XIV ǵasyrdaǵy lıro-epıkalyq poemasynyń keıipkerleri. Bul jyrda qos ǵashyqtyń bir-birine degen kirshiksiz mahabbaty, eriksiz aıyrylysýy jáne tragedııalyq taǵdyry baıandalady. Qozynyń erte shetin tapqany, Baıannyń ony kúte júrip, óz ómirin de qurban etýi – bul jyrdyń emoıonaldyq qýatyn arttyrady. Shyǵarmada tek mahabbat qana emes, áleýmettik teńsizdik, qyz bostandyǵy, adamgershilik syndy taqyryptar da qozǵalady.
Jyrdyń ondaǵan nusqasy bar. Ol tek qazaq jerinde ǵana emes, tatar, bashqurt, noǵaı halyqtarynyń aýyz ádebıetinde de kezdesedi. Bul – jyrdyń keń taralǵanyn jáne onyń tereń maǵynalyq mazmunyn kórsetedi.
