ۋكراينانىڭ سۋمى قالاسىنا جاسالعان شابۋىل سالدارىنان 34 ادام قازا تاپتى. بۇل تۋرالى ەلدىڭ توتەنشە جاعدايلار جونىندەگى مەملەكەتتىك قىزمەتى ايتتى، دەپ حابارلايدى «ادىرنا» ءتىلشىسى.
«13 ساۋىردەگى جاعداي بويىنشا رەسەي شابۋىلىنان 34 ادام قازا تاپتى، ونىڭ ىشىندە ەكى بالا بار. 117 ادام جاراقات الدى»،—دەلىنگەن حابارلامادا.
بۇعان دەيىن ۋكراينا ىشكى ىستەر ءمينيسترى يگور كليمەنكو رەسەي اسكەرى قالا ورتالىعىنا بالليستيكالىق ەكى سوققى جاساعانىن مالىمدەگەن ەدى. وقيعادان كەيىن پرەزيدەنت ۆلاديمير زەلەنسكي مالىمدەمە جاساپ، حالىقارالىق قاۋىمداستىقتان ماسكەۋدىڭ شابۋىلىنا قاتاڭ جاۋاپ بەرۋدى تالاپ ەتتى. سونىمەن قاتار راكەتالىق سوققىنى ۇلىبريتانيا، گەرمانيا، يتاليا ايىپتادى.
رەسەي بيلىگى بۇل شابۋىلعا قاتىستى ەشقانداي تۇسىنىكتەمە بەرگەن جوق.
