Ukrainanyŋ Sumy qalasyna jasalǧan şabuyl saldarynan 34 adam qaza tapty. Būl turaly eldıŋ Tötenşe jaǧdailar jönındegı memlekettık qyzmetı aitty, dep habarlaidy «Adyrna» tılşısı.
«13 säuırdegı jaǧdai boiynşa Resei şabuylynan 34 adam qaza tapty, onyŋ ışınde ekı bala bar. 117 adam jaraqat aldy»,—delıngen habarlamada.
Būǧan deiın Ukraina ışkı ıster ministrı İgor Klimenko Resei äskerı qala ortalyǧyna ballistikalyq ekı soqqy jasaǧanyn mälımdegen edı. Oqiǧadan keiın prezident Vladimir Zelenskii mälımdeme jasap, halyqaralyq qauymdastyqtan Mäskeudıŋ şabuylyna qataŋ jauap berudı talap ettı. Sonymen qatar raketalyq soqqyny Ūlybritaniia, Germaniia, İtaliia aiyptady.
Resei bilıgı būl şabuylǧa qatysty eşqandai tüsınıkteme bergen joq.
