سپورتتىق گيمناستيكادان قازاقستان قۇراماسىنىڭ وكىلى ميلاد كاريمي حورۆاتيانىڭ وسيەك قالاسىندا ءوتىپ جاتقان الەم كۋبوگىنىڭ كەزەڭىندە جەڭىسكە جەتتى. بۇل تۋرالى 13 ساۋىردە ۇلتتىق وليمپيادالىق كوميتەتتىڭ ءباسپاسوز قىزمەتى جازدى، دەپ حابارلايدى «ادىرنا» ءتىلشىسى.
وتانداسىمىز كەرمەدەگى جاتتىعۋ باعدارلاماسىنىڭ فينالىندا قارسىلاستارىنا دەس بەرمەدى.
كاريمي تورەشىلەردىڭ شەشىمىمەن 14.666 ۇپاي جينادى. وسىلايشا بۇل الەم كۋبوگىنىڭ كەزەڭىندە ەكىنشى جۇلدەسىنە قول جەتكىزدى. ول بۇعان دەيىن ەركىن جاتتىعۋلاردا ءۇشىنشى ورىن يەلەنگەن ەدى.
فينالدا ەكىنشى ورىندى يزرايل سپورتشىسى الەكساندر مياكينين (14.433), ال قىتايلىق چەني سە (14.300) ءۇشىنشى ناتيجە كورسەتتى.
ايتا كەتەيىك، وسيەكتە وتكەن جارىستا قازاقستان قۇراماسى ءۇش جۇلدە جەڭىپ الدى. كاريميدەن بولەك ناريمان قۇربانوۆ تا جۇلدەگەر اتانىپ، ات سناريادىندا وتكەن جاتتىعۋلاردا قولا مەدال جەڭىپ الدى.
