امەريكا قۇراما شتاتتارىنىڭ قازىرگى پرەزيدەنتى دونالد ترامپ جوسپارلى مەديتسينالىق تەكسەرۋ اياسىندا كوگنيتيۆتى تەستىلەۋدەن ءوتتى، دەپ حابارلايدى "ادىرنا" ۇلتتىق پورتالى DW-گە سىلتەمە جاساپ.
78 جاستاعى ساياساتكەر وسى قادام ارقىلى بۇرىنعى پرەزيدەنت دجو بايدەننەن وزگەشە ارەكەت ەتۋدى شەشكەنىن ايتتى. بايدەن كەزىندە مۇنداي تەستىلەۋدەن وتۋدەن باس تارتقان ەدى.
– مەن بارلىق سۇراقتارعا دۇرىس جاۋاپ بەرگەنىمنەن باسقا نە ايتارىمدى بىلمەيمىن، – دەدى ترامپ 11 ءساۋىر كۇنى كەشكە جۋرناليستەرگە. الايدا ول تەستتىڭ ءتۇرى مەن ناقتى ناتيجەلەرى تۋرالى ەگجەي-تەگجەيلى مالىمەت بەرگەن جوق.
دونالد ترامپ بۇعان دەيىن دە بىرنەشە رەت كوگنيتيۆتى تەست تاپسىرعانىن جانە بارلىق سۇراقتارعا دۇرىس جاۋاپ بەرگەنىن ايتىپ كەلەدى. ونىڭ ايتۋىنشا، بۇل تەستتەر ونىڭ اقىل-ويىنىڭ قالىپتى ەكەنىن دالەلدەيتىن قۇرال.
پرەزيدەنت ءوزىنىڭ جالپى دەنساۋلىق جاعدايى تۋرالى دا پىكىر ءبىلدىردى.
– جالپى، مەن ءوزىمدى وتە جاقسى فورمادا سەزىندىم. جۇرەگىم تىنىش، جانىم جومارت، – دەدى ول.
كوگنيتيۆتى تەست ناتيجەسى 13 ساۋىردە جاريالانادى.
ايتا كەتەيىك، اقش-تا پرەزيدەنتتەردىڭ دەنساۋلىعىنا قاتىستى اقپاراتتى اشىق جاريالاۋ – زاڭمەن مىندەتتەلمەگەنىمەن، جىلدار بويى قالىپتاسقان ءداستۇرلى تاجىريبە. دونالد ترامپ العاشقى پرەزيدەنتتىك مەرزىمى كەزىندە (2017–2021) ءوز اقىل-وي قابىلەتى مەن ەل باسقارۋ جارامدىلىعىنا قاتىستى ايتىلعان كۇماندەردەن كەيىن 2018 جىلى كوگنيتيۆتى تەستتەن وتكەن. ول كەزدە ترامپ 30 سۇراقتىڭ بارلىعىنا دۇرىس جاۋاپ بەرىپ، ەڭ جوعارى كورسەتكىشكە يە بولعانىن ماقتان تۇتقان ەدى.
