قىزىلوردادا قر پرەزيدەنتىنىڭ كەڭەسشىسى مالىك وتارباەۆتىڭ، وبلىس اكىمى نۇرلىبەك نالىباەۆتىڭ قاتىسۋىمەن «ۇلتتىق قۇرىلتاي: الداعى ماقساتتار مەن مىندەتتەر» اتتى دوڭگەلەك ۇستەل ءوتتى.
ايماق باسشىسى ءوڭىردىڭ الەۋمەتتىك-ەكونوميكالىق دامۋ بارىسىنا توقتالىپ، ۇلتتىق قۇرىلتايدىڭ كەزەكتى وتىرىسىن 2026 جىلى سىر وڭىرىندە وتكىزۋدىڭ ماڭىزدىلىعىن اتاپ ءوتتى.
«جاقىندا عانا بۋرابايدا وتكەن ۇلتتىق قۇرىلتايدا مەملەكەت باسشىمىز قاسىم-جومارت كەمەلۇلى قۇرىلتايدىڭ كەلەسى 5-ءشى وتىرىسىن سىر بويىندا، كەزىندە قازاق ەلىنىڭ استاناسى بولعان قىزىلوردا قالاسىندا وتكىزۋدى ۇسىندى. القالى جيىندا قابىلدانعان تاريحي شەشىم ايماق جۇرتشىلىعىنىڭ مەرەيىن اسقاقتاتتى. پرەزيدەنتىمىز حالقىمىزدىڭ «قازاق» دەگەن بايىرعى اتاۋى قايتارىلعان، تاريحي ادىلدىك ورناعان قىزىلورداداعى ماڭىزدى وقيعالار ەل جادىندا ساقتالۋعا ءتيىس ەكەنىن اتاپ ءوتتى. بۇل – ءبىز ءۇشىن زور مارتەبە، پرەزيدەنتىمىزدىڭ وڭىرىمىزدە اتقارىلىپ جاتقان جۇمىستارعا بەرگەن وڭ باعاسى دەپ بىلەمىز»، - دەدى ن.نالىباەۆ.
مەملەكەت باسشىسىنىڭ، ۇكىمەتتىڭ ەرەكشە قولداۋىمەن سىر ءوڭىرى بايىپتى باستامالاردىڭ، جاسامپاز جوبالاردىڭ ورداسىنا اينالدى. ءوڭىر بارلىق نەگىزگى ماكروەكونوميكالىق كورسەتكىشتەر بويىنشا رەسپۋبليكادا الدىڭعى قاتاردا. وبلىس بيۋدجەتى 750 ملرد تەڭگەدەن استى. وسىدان ءۇش جىل بۇرىن 364 ملرد تەڭگە بولاتىن. بىرلەسكەن جۇمىستىڭ ناتيجەسىندە ءوسىم 206 پايىزدى قۇرادى. بۇل اۋقىمدى قاراجات ەڭ وزەكتى دەگەن ماسەلەلەردى شەشۋگە، تۇرعىنداردىڭ ءومىر ءسۇرۋ ساپاسىن جاقسارتۋعا جانە اۋقىمدى ينفراقۇرىلىمدىق جوبالاردى ىسكە اسىرۋعا باعىتتالدى. مەملەكەت باسشىسىنىڭ تىكەلەي قولداۋىمەن قىزىلوردا قالاسىندا 215 ملرد. تەڭگەگە قۋاتتىلىعى 240 مەگاۆاتتىق جاڭا جىلۋ-ەلەكتر ورتالىعى سالىنۋدا. بۇگىندە ينۆەستور «اكسا ەنەردجي» تۇرىك كومپانياسى قۇرىلىسقا 137 ملرد. تەڭگەدەن استام ينۆەستيتسيا قۇيىپ، جۇمىستىڭ 70 پايىزدان استامىن اياقتادى. قىركۇيەك ايىندا ايماق ءۇشىن ەرەكشە ماڭىزى بار نىسان ەل يگىلىگىنە بەرىلەدى. پرەزيدەنت تاپسىرماسىنا سايكەس، وڭتۇستىك وڭىرلەردە ەلەكتر ەنەرگياسىنىڭ تاپشىلىعىن بولدىرماۋ ماقساتىندا كاتاردا وتكەن ۇكىمەتارالىق كەلىسىم شەڭبەرىندە قۋاتتىلىعى 1100 مۆت، قۇنى 892 ملرد تەڭگە بولاتىن بۋ-گاز قوندىرعىسىن سالۋ كەلىسىلدى. مەگاجوبا 2028 جىلى تولىعىمەن ىسكە قوسىلادى دەپ جوسپارلانۋدا.
جيىندا قر پرەزيدەنتىنىڭ كەڭەسشىسى مالىك نۇرجانۇلى ءسوز سويلەدى. قازاقستاننىڭ ەڭبەك ەرى ابزال ەراليەۆ، قازاقستاننىڭ ەڭبەك سىڭىرگەن قايراتكەرى، ۇلتتىق عىلىم اكادەمياسىنىڭ اكادەميگى، ۇلتتىق قۇرىلتاي مۇشەسى قىلىشباي بيسەنوۆ، قورقىت اتا اتىنداعى قىزىلوردا ۋنيۆەرسيتەتىنىڭ رەكتورى بەيبىتكۇل كارىموۆا، كوپبەيىندى قالالىق اۋرۋحانانىڭ باس دارىگەرى نۋريدين اميتوۆ، «اناعا تاعزىم» ورتالىعىنىڭ ديرەكتورى التىناي مولجانوۆا پىكىر ءبىلدىردى.
