Almaty qalasynyń Naýryzbaı aýdandyq sotynda Qaznews24.kz satıralyq paraqshasynyń avtory Temirlan Eńsebekke qatysty sot otyrysy ótti. Oǵan ultaralyq arazdyqty qozdyrdy degen aıyp taǵylýda, dep habarlaıdy “Adyrna” ulttyq portaly.
Sot otyrysy barysynda advokat pen memlekettik aıyptaýshy sottalýshydan jaýap aldy. Temirlan Eńsebek óziniń isinde naqty dálelderdiń joq ekenin aıtyp, jarııalaǵan materıaldarynyń ultaralyq arazdyqty qozdyrý nıetinen alys ekenin málimdedi.
Sot proesi kezinde Eńsebektiń jaqtastary sottyń ashyq ótýin talap etip, aýdandyq sot ǵımaratynyń aldynda jınaldy. Alaıda olardyń kópshiligi polıııa tarapynan ustaldy.
Sot otyrysy 11 sáýirde kýágerlerden jaýap alý úshin jalǵasady.
