وسكەمەن قالاسىنىڭ بۇرىنعى اكىمى جاقسىلىق ومار شىعىس قازاقستان وبلىسى اكىمىنىڭ ءبىرىنشى ورىنباسارى بولىپ تاعايىندالدى. بۇل تۋرالى بۇگىن، 7 ساۋىردە ءوڭىر باسشىسى نۇرىمبەت ساقتاعانوۆ ايتتى، دەپ حابارلايدى «ادىرنا» ءتىلشىسى.
«بۇگىن جاقسىلىق وماردى ءوزىمنىڭ ءبىرىنشى ورىنباسارىم ەتىپ تاعايىندادىم. جاقسىلىق مۇقاشۇلىنىڭ مەملەكەتتىك قىزمەتتە ۇلكەن تاجىريبەسى بار. ول 6 جىل بويى وبلىس ورتالىعىنىڭ اكىمى بولدى. وعان ءوڭىردىڭ بارلىق ماسەلەسى مەن تۇرعىنىنىڭ مۇڭ-مۇقتاجى جاقسى تانىس. ونىڭ جاڭا ءارى جاۋاپتى قىزمەتكە ءبىلىمىن، كۇش-جىگەرىن بارىنشا جۇمسايتىنىنا سەنىمدىمىن»،—دەدى اكىم.
ايتا كەتەيىك، جاقسىلىق ومار جاڭا قىزمەتكە تاعايىندالعانعا دەيىن شىعىس قازاقستان وبلىسى اكىمىنىڭ كەڭەسشىسى قىزمەتىن اتقارعان بولاتىن. ال 2018-2024 جىلدار ارالىعىندا وسكەمەن قالاسىنىڭ اكىمى بولدى.
