وڭتۇستىك كورەيادا بۇرىنعى پرەزيدەنت يۋن سوك ءيولدى قولداۋشىلار ميتينگ وتكىزىپ جاتىر، دەپ حابارلايدى “ادىرنا” ۇلتتىق پورتالى Yonhap اگەتتىگىنە سىلتەمە جاساپ.
سەۋل قالاسىندا نارازىلىق تانىتۋشىلار يمپيچمەنت تۋرالى شەشىممەن كەلىسپەيتىندەرىن ءبىلدىرىپ، ساياساتكەردى ەل باسشىسى قىزمەتىنە قايتارۋدى تالاپ ەتۋدە.
“كونستيتۋتسيالىق سوت شەشىم شىعارعاننان كەيىنگى كەلەسى كۇنى سەۋل ورتالىعىنداعى كۆانحۆامۋن الاڭىنا مىڭداعان كونسەرۆاتيۆتى توپ وكىلدەرى جينالدى. پوليتسيانىڭ باعالاۋىنشا، سەنبى كۇنى وتكەن نارازىلىق شاراسىنا شامامەن 18 مىڭ ادام قاتىسقان”، – دەلىنگەن اگەنتتىك حابارلاماسىندا.
ايتا كەتەيىك، وڭتۇستىك كورەيانىڭ كونستيتۋتسيالىق سوتى پرەزيدەنتكە يمپيچمەنت جاريالاۋ شەشىمىن 4 ساۋىردە ماقۇلداعان بولاتىن. وسىلايشا يۋن سوك يول قىزمەتىنەن رەسمي تۇردە شەتتەتىلدى. پرەزيدەنت سايلاۋى 60 كۇن ىشىندە ءوتۋى ءتيىس. ول 2025 جىلدىڭ 3 ماۋسىمىنا جوسپارلانىپ وتىر.
