اقمولا وبلىسىندا كوشەلەردى سۋ باسىپ، جۇرتتى ابىگەرگە سالدى، دەپ حابارلايدى “ادىرنا” ۇلتتىق پورتالى.
توتەنشە جاعدايلار دەپارتامەنتىنىڭ مالىمەتىنشە اپاتتىق-قۇتقارۋ جۇمىستارىنا ءتورت توپ جۇمىلدىرىلعان. ولاردىڭ قۇرامىندا 130 ادام، 13 تەحنيكا، 12 موتوپومپا جانە جىلجىمالى سورعى ستانتسياسى بار. قۇتقارۋشىلار سۋ باسقان اۋماقتاردان سۋدى سورۋ جۇمىستارىن تاۋلىك بويى جۇرگىزۋدە.
الەۋمەتتىك جەلىدە قالا تۇرعىندارى سۋ تاسقىنىنان تۇسىرىلگەن ۆيدەولارمەن ءبولىسىپ جاتىر. كەيبىر بەينەجازبالاردا ۇيلەردىڭ سۋ ورتاسىندا قالعانى كورىنەدى. ۆيدەولاردىڭ بىرىندە اۆتور تۇرعىنداردى قاۋىپتى ايماقتاردان ەۆاكۋاتسيالاۋ جۇمىستارى باستالۋى مۇمكىن ەكەنىن ايتادى.
سۋ تاسقىنىنىڭ سەبەبى – قاردىڭ تەز ەرۋى مەن جوعارى جاقتاعى القاپتاردان اققان سۋلار.
"قازگيدرومەت" ماماندارىنىڭ حابارلاۋىنشا، بوكسۋك وزەنىندەگى جۋراۆلەۆكا اۋىلىنداعى گيدروبەكەتتە سۋ دەڭگەيى ءتورت ساعات ىشىندە 36 سانتيمەترگە كوتەرىلگەن. ساعات 12:00-دەگى كورسەتكىش – 625 سانتيمەتر، ال قاۋىپتى دەڭگەي – 690 سانتيمەتر. قازىرگى ۋاقىتتا وزەندە مۇز كەپتەلىسى مەن سيرەك مۇز ءجۇرۋى بايقالادى.
