Aqmola oblysynda kóshelerdi sý basyp, jurtty ábigerge saldy, dep habarlaıdy “Adyrna” ulttyq portaly.
Tótenshe jaǵdaılar departamentiniń málimetinshe apattyq-qutqarý jumystaryna tórt top jumyldyrylǵan. Olardyń quramynda 130 adam, 13 tehnıka, 12 motopompa jáne jyljymaly sorǵy stanııasy bar. Qutqarýshylar sý basqan aýmaqtardan sýdy sorý jumystaryn táýlik boıy júrgizýde.
Áleýmettik jelide qala turǵyndary sý tasqynynan túsirilgen vıdeolarmen bólisip jatyr. Keıbir beınejazbalarda úılerdiń sý ortasynda qalǵany kórinedi. Vıdeolardyń birinde avtor turǵyndardy qaýipti aımaqtardan evakýaııalaý jumystary bastalýy múmkin ekenin aıtady.
Sý tasqynynyń sebebi – qardyń tez erýi men joǵary jaqtaǵy alqaptardan aqqan sýlar.
"Qazgıdromet" mamandarynyń habarlaýynsha, Boksýk ózenindegi Jýravlevka aýylyndaǵy gıdrobekette sý deńgeıi tórt saǵat ishinde 36 santımetrge kóterilgen. Saǵat 12:00-degi kórsetkish – 625 santımetr, al qaýipti deńgeı – 690 santımetr. Qazirgi ýaqytta ózende muz keptelisi men sırek muz júrýi baıqalady.
