يمپيچمەنت جاريالانعان وڭتۇستىك كورەيا پرەزيدەنتى يۋن سوك ەل بيلىكتەن قۋىلدى. بۇل تۋرالى Yonhap باسىلىمى جازدى، دەپ حابارلايدى ”ادىرنا” ۇلتتىق پورتالى.
باسىلىم مالىمەتىنشە، بۇگىن، 4 ساۋىردە باس سۋديانىڭ مىندەتىن اتقارۋشى مۋن حيون بە سوت ۇكىمىن وقىپ، پرەزيدەنت يۋن سوك ءيولدىڭ قىزمەتىنەن بوساتىلاتىنىن جانە بۇل قىزمەتكە ورالا المايتىنىن مالىمدەگەن.
«كونستيتۋتسيالىق سوت سۋديالارى ءبىراۋىزدان پرەزيدەنت يۋن سوك ەلگە يمپيچمەنت جاريالاۋ تۋرالى شەشىم قابىلدادى»، – دەپ جازادى باسىلىم.
ەسكە سالساق، وڭتۇستىك كورەيا پرەزيدەنتى 2024 جىلدىڭ 3 جەلتوقسانىندا ەلدە اسكەري جاعداي جاريالاعان. ارتىنشا وڭتۇستىك كورەيا پارلامەنتى داۋىس بەرىپ، 6 ساعاتقا سوزىلعان اسكەري رەجيمدى الىپ تاستادى. وسىدان كەيىن وپپوزيتسيا يۋن سول ەلدىڭ وتستاۆكاعا كەتۋىن تالاپ ەتتى. سونىمەن بىرگە پرەزيدەنتكە يمپيچمەنت جاريالايتىنىن مالىمدەدى. ال 14 جەلتوقساندا وڭتۇستىك كورەيانىڭ ۇلتتىق اسسامبلەياسى پرەزيدەنت يۋن سوك يولگە يمپيچمەنت جاريالادى.
