Ǧylym jäne joǧary bılım ministrlıgı Uälihan Bişımbaevtyŋ universitet aşatyny turaly aqparatqa tüsınıkteme berdı, dep habarlaidy "Adyrna" ūlttyq portaly.
Äleumettık jelılerde «Bishimbayev University» jaŋa oqu jylynan bastap jūmys ısteitını, onyŋ rektory bolyp Uälihan Bişımbaev taǧaiyndalǧany jönınde aqparat taraǧan bolatyn. Osyǧan bailanysty, Ǧylym jäne joǧary bılım ministrlıgınıŋ qoǧammen bailanys departamentınıŋ direktory, baspasöz hatşysy Oljas Berkınbaev resmi mälımdeme jasady. Berkınbaevtyŋ aituynşa, Qazaqstan Respublikasynyŋ «Bılım turaly» Zaŋynyŋ 5-3-babyna säikes, joǧary jäne joǧary oqu ornynan keiıngı bılım beru salasynda qyzmet körsetu üşın mındettı türde lisenziia alu qajet. Sondai-aq, «Rūqsattar jäne habarlamalar turaly» Zaŋǧa säikes, tiıstı rūqsatsyz nemese habarlamasyz bılım beru qyzmetımen ainalysuǧa bolmaidy. Osyǧan orai, Ǧylym jäne joǧary bılım ministrlıgı «Bishimbayev University» atauymen bılım beru qyzmetın jüzege asyruǧa lisenziia bermegenın jäne «e-lisenziialau» aqparattyq jüiesınde mūndai ötınımnıŋ tırkelmegenın mälımdedı. Ministrlık joǧary bılım beru mekemelerınıŋ qyzmetı zaŋ aiasynda retteletının jäne zaŋsyz bılım beru qyzmetımen ainalysuǧa jol berılmeitının atap öttı.Ūqsas jaŋalyqtar
