Ǵylym jáne joǵary bilim mınıstrligi Ýálıhan Bıshimbaevtyń ýnıversıtet ashatyny týraly aqparatqa túsinikteme berdi, dep habarlaıdy "Adyrna" ulttyq portaly.
Áleýmettik jelilerde «Bishimbayev University» jańa oqý jylynan bastap jumys isteıtini, onyń rektory bolyp Ýálıhan Bıshimbaev taǵaıyndalǵany jóninde aqparat taraǵan bolatyn. Osyǵan baılanysty, Ǵylym jáne joǵary bilim mınıstrliginiń qoǵammen baılanys departamentiniń dırektory, baspasóz hatshysy Oljas Berkinbaev resmı málimdeme jasady.
Berkinbaevtyń aıtýynsha, Qazaqstan Respýblıkasynyń «Bilim týraly» Zańynyń 5-3-babyna sáıkes, joǵary jáne joǵary oqý ornynan keıingi bilim berý salasynda qyzmet kórsetý úshin mindetti túrde lıenzııa alý qajet. Sondaı-aq, «Ruqsattar jáne habarlamalar týraly» Zańǵa sáıkes, tıisti ruqsatsyz nemese habarlamasyz bilim berý qyzmetimen aınalysýǵa bolmaıdy.
Osyǵan oraı, Ǵylym jáne joǵary bilim mınıstrligi «Bishimbayev University» ataýymen bilim berý qyzmetin júzege asyrýǵa lıenzııa bermegenin jáne «e-lıenzııalaý» aqparattyq júıesinde mundaı ótinimniń tirkelmegenin málimdedi.
Mınıstrlik joǵary bilim berý mekemeleriniń qyzmeti zań aıasynda retteletinin jáne zańsyz bilim berý qyzmetimen aınalysýǵa jol berilmeıtinin atap ótti.
