30 ناۋرىز كۇنى ەۋروپادا ساعات ءتىلى العا جىلجىدى، دەپ حابارلايدى «ادىرنا» ءتىلشىسى Deutsche Welle-گە سىلتەمە جاساپ.
«ورتالىق ەۋروپا ۋاقىتى (CET) مەن ورتالىق ەۋروپا جازعى ۋاقىتىنا (CEST) اۋىسۋ ناتيجەسىندە 30 ناۋرىز 24 ساعاتتىڭ ورنىنا 23 ساعاتقا عانا سوزىلدى»،—دەلىنگەن حابارلامادا.
جىلىنا ەكى رەت قايتالاناتىن بۇل ۋاقىت وزگەرىسى كوپتەن بەرى پىكىرتالاستار تۋدىرىپ، ەۋروپالىق وداق ينستيتۋتتارىندا بىرنەشە رەت تالقىلانعان بولاتىن. جازعى ۋاقىتقا كوشۋدى توقتاتۋعا تالپىنىستار بولعانىمەن، بۇل ءداستۇر ءالى دە ساقتالىپ كەلەدى. وسىلايشا ناۋرىزدىڭ سوڭعى جەكسەنبىسىندە ەۋروپا تاعى دا جازعى ۋاقىتقا كوشتى.
ايتا كەتەيىك، بەلگيادا ناۋرىز ايىنىڭ سوڭىندا جازعى ۋاقىتقا كوشۋ جۇيەسى ەنەرگيا ۇنەمدەۋ ماقساتىندا 1977 جىلى ەنگىزىلگەن.
