1 ساۋىردە بىرىككەن ۇلتتار ۇيىمىنىڭ (بۇۇ) ۇشاعىنان اقاۋ انىقتالىپ، موگاديشودا ءساتتى اپاتتى قونۋ جاسادى، دەپ حابارلايدى "ادىرنا" ۇلتتىق پورتالى.
بۇل تۋرالى بۇۇ ءباسپاسوز قىزمەتى مالىمدەدى.
سوماليدەگى بۇۇ قولداۋ باسقارماسىنىڭ (يۋنسوس) ۇشاعى موگاديشودان بايدابوعا تۇراقتى رەيس جاساعان. ۇشۋ بارىسىندا ەكيپاج ءشاسسيدىڭ دۇرىس اشىلماۋىنا بايلانىستى اقاۋدى انىقتادى.
"ۇشقىشتار دەرەۋ اۋە كەمەسىن استاناداعى ادەن-اددە حالىقارالىق اۋەجايىنا باعىتتاپ، ماسەلەنى قاۋىپسىز تۇردە شەشتى. ەۆاكۋاتسيا كەزىندە ءبىر جولاۋشى جەڭىل جاراقات العان. ال قالعان جولاۋشىلار مەن ەكيپاج مۇشەلەرى زارداپ شەككەن جوق", – دەلىنگەن بۇۇ مالىمدەمەسىندە.
سوماليدەگى بۇۇ وكىلدىگى ەكيپاجدىڭ جەدەل ءارى كاسىبي ارەكەتىن، سونداي-اق قۇتقارۋ قىزمەتتەرى مەن اۋەجاي قىزمەتكەرلەرىنىڭ جەدەلدىگىن جوعارى باعالادى. بۇل تۋرالى يۋنسوس باسشىسى، بۇۇ باس حاتشىسىنىڭ كومەكشىسى ايسا كيرابو كاسيرا مالىمدەدى.
