بۇگىن، 31 ناۋرىزدا قىرعىزستان پرەزيدەنتى سادىر جاپاروۆ حۋدجاند قالاسىنا (تاجىكستان) جۇمىس ساپارىمەن باردى. بۇل تۋرالى مەملەكەت باسشىسىنىڭ ءباسپاسوز قىزمەتى جازدى، دەپ حابارلايدى «ادىرنا» ءتىلشىسى.
قىرعىز باسشىسىن تاجىكستان پرەزيدەنتى ەمومالي راحمون قارسى الدى. ساپار اياسىندا قىرعىزستان، تاجىكستان جانە وزبەكستان پرەزيدەنتتەرىنىڭ ۇشجاقتى ءسامميتى وتەدى دەپ جوسپارلانىپ وتىر. كەزدەسۋدىڭ نەگىزگى ماقساتى — ءۇش ەل اراسىنداعى مەملەكەتتىك شەكارالاردىڭ ءتۇيىسۋ نۇكتەسى تۋرالى شارتقا قول قويۋ.
مەملەكەت باسشىلارى قاۋىپسىزدىكتى قامتاماسىز ەتۋگە قاراتىلعان ىنتىماقتاستىقتىڭ نەگىزگى ماسەلەلەرىن تالقىلايدى دەپ كۇتىلۋدە.
