قازتالوۆ اۋداندىق كىتاپحاناسى «Qazaqstan halqyna» جانە «Tana» قوعامدىق قورلارىنىڭ ەسەبىنەن زامان تالابىنا ساي جابدىقتالدى. قايتا جاڭعىرۋدان وتكەن كىتاپحانانىڭ اشىلۋ سالتاناتىنا «Qazaqstan halqyna» قوعامدىق قورىنىڭ باسقارما ءتورايىمى ءلاززات چينكيسباەۆا، باسقارما توراعاسىنىڭ ورىنباسارى سوفيا ايساعاليەۆا، وبلىس اكىمىنىڭ ورىنباسارى باقىتجان نارىمبەتوۆ، اۋدان اكىمى اسلانبەك سارقۇلوۆ، «تana» قوعامدىق قورىنىڭ باسشىسى كاميلا لۇقپانوۆا، ج.مولداعاليەۆ اتىنداعى وبلىستىق ورتالىق امبەباپ عىلىمي كىتاپحانا ديرەكتورى شولپان ورازاەۆا، كاسىپكەر، inDrive حالىقارالىق سەرۆيسىنىڭ نەگىزىن قالاۋشى جانە باس ديرەكتورى ارسەن تومسكي قاتىستى.
سالتاناتتى ءىس-شارادا ءسوز العان باتىس قازاقستان وبلىسى اكىمىنىڭ ورىنباسارى باقىتجان نارىمبەتوۆ وڭىرىمىزدە «Qazaqstan halqyna» قوعامدىق الەۋمەتتىك قورىنىڭ قولداۋىمەن جۇزەگە اسىرىلىپ جاتقان جۇمىستاردى اتاپ ءوتتى.
— كازتالوۆ اۋداندىق كىتاپحاناسىنىڭ جاڭعىرۋىمەن بارشاڭىزدى شىن جۇرەكتەن قۇتتىقتايمىن. بىزدەر ءۇشىن اعارتۋشىلىق جۇمىستىڭ ماڭىزى زور. ۇرپاعىمىزدىڭ سانالى، دانالى بولۋى بىلىممەن، ىلىممەن تىعىز بايلانىستى. كىتاپحانا – رۋحاني ورتالىق. كازتالوۆ اۋداندىق كىتاپحاناسىن مەملەكەتتىڭ قولداۋىمەن كۇردەلۋ جوندەۋدەن وتكەن بولاتىن. بۇگىن «Qazaqstan halqyna» قوعامدىق الەۋمەتتىك قورى مەن «تana» قوعامدىق قورىنىڭ باستاماسىمەن كىتاپحانا قايتا جاڭعىرتىلىپ وتىر. سونىمەن قاتار كازتالوۆ مەكتەپ-ليتسەيى 250 ملن تەڭگە قاراجاتقا جابدىقتالدى. بۇل مەملەكەت باسشىسىنىڭ تاپسىرمالارىنىڭ اۋىلدىق جەردە جۇزەگە اسىرىلۋىنىڭ ايقىن كورىنىسى. «Qazaqstan halqyna» قوعامدىق الەۋمەتتىك قورى 2022 جىلدان بەرى وبلىسىمىزعا 10 ملرد تەڭگەدەن استام قاراجات ءبولدى. سونداي-اق قوردىڭ باستاماسىمەن كىتاپحانالاردى جاڭعىرتۋ جۇمىستارى رەسپۋبليكا بويىنشا العاش رەت باتىس قازاقستان وبلىسىندا جۇزەگە اسىرىلىپ وتىر. كازتالوۆ اۋداندىق كىتاپحاناسى قايتا جاڭعىرتىلعان 13-ءشى كىتاپحانا. جالپى وبلىسىمىزدىڭ 12 اۋدانىنداعى كىتاپحانالاردى قوردىڭ قولداۋى ارقىلى زامان تالابىنا ساي جابدىقتارمەن، كىتاپتارمەن قامتىلدى، — دەدى وبلىس اكىمىنىڭ ورىنباسارى.
«Qazaqstan halqyna» قوعامدىق الەۋمەتتىك قورى ادامدارعا اتاۋلى كومەكپەن قاتار، حالىق توپتارىنا جۇيەلى كومەك كورسەتەدى. جۇيەلى كومەك اياسىندا حالىق توپتارىنىڭ ءومىرىن جاقسارتۋعا باعىتتالعان دامۋ باعدارلامالارى جۇزەگە اسىرىلادى، سونىڭ ىشىندە بالالارعا ارنالعان سپورتتىق جانە ءبىلىم بەرۋ ينفراقۇرىلىمىن، سونداي-اق باسقا دا الەۋمەتتىك ماڭىزدى قىزمەتتەردى دامىتۋعا جانە قولجەتىمدىلىگىن ارتتىرۋعا جاردەمدەسۋ باعىتى قاراستىرىلعان. وسى باعىت بويىنشا اۋدانىمىزدا كازتالوۆ، اقپاتەر، جالپاقتال اۋىلدارىنداعى كىتاپحانالار مەن كازتالوۆ مەكتەپ-ليتسەيى زامان تالابىنا ساي جابدىقتالدى.
— بارلىعىمىز اۋىلدا تۋىپ، اۋىلدا وستىك. وزدەرىڭىزگە بەلگىلى 2022 جىلدان بەرى مەملەكەت باسشىسىنىڭ تاپسىرماسىمەن «Qazaqstan halqyna» قوعامدىق الەۋمەتتىك قورى قۇرىلدى. ەلىمىزدەگى ءىرى كومپانيالار قورعا قارجى اۋدارىپ،بۇگىندە قارجى الۋەۋمەتتىك كومەك كورسەتۋگە جانە 100-دەن استام الەۋمەتتىك ماڭىزى بار جوبالارعا ءبولىنىپ وتىر. مەملەكەت باسشىسى قاسىم-جومارت كەمەلۇلى اتىراۋدا وتكەن ۇلتتىق قۇرىلتايدىڭ ءۇشىنشى وتىرىسىندا: «شىن مانىندە، وزىق ويلى ۇلت بولۋدىڭ ەڭ توتە جولى – كىتاپ وقۋ. سوندىقتان كىتاپ وقۋ مادەنيەتىن قوعامدا بارىنشا ورنىقتىرۋىمىز كەرەك»، — دەگەن بولاتىن. ال كىتاپحانالارىمىزدىڭ زاماناۋي ۇلگىدە جابدىقتالۋى وقىرماننىڭ قىزىعۋشىلىعىن ارتتىرىپ، كىتاپ وقۋ مادەنيەتىنىڭ قالىپتاسۋىنا زور سەپتىگىن تيگىزەدى دەپ ويلايمىن. پرەزيدەنت يدەياسىن جۇزەگە اسىرۋ ماقساتىندا «Tana» قوعامدىق ۇيىمىنىڭ باستاماسىمەن، «Qazaqstan halqyna» قوعامدىق الەۋمەتتىك قورىنىڭ قولداۋىمەن بقو-داعى كىتاپحانالاردى جاڭعىرتىپ جاتىرمىز. اۋىلداعى اعايىن دا جانعا جايلى رۋحاني ورتالىقتا كوكجيەگىن كەڭەيتەدى دەگەن سەنىمدەمىن، — دەدى «Qazaqstan halqyna» قوعامدىق قورىنىڭ باسقارما ءتورايىمى ءلاززات چينكيسباەۆا.
اۋداندىق كىتاپحانا زاماناي ۇلگىدەگى جيھازدارمەن، كىتاپتارمەن تولىق قامتىلىپ قانا قويماي، كىتاپحانالىق شارالارعا ارنالعان بىرنەشە ايماققا بولىنگەن. كىتاپحانادا جايلىلىق كەڭىستىگى، ينتەراكتيۆتى الاڭ، شىعارماشىلىق ايماق، ءىس-شارالار ايماعى (ابونەمەنت), بالالار شىعارماشىلىق ءبولىمى، وقۋ زالى ايماعى جانە كونفەرەنتس زالى بار. كىتاپ قورى دا جاڭا كىتاپتارمەن تولىقتى. بۇل ۇلت رۋحانياتىن وركەندەتۋگە باعىتتالعان ينۆەستيتسيا. اۋدان اكىمى «Qazaqstan halqyna» قوعامدىق قورىنىڭ باسقارما ءتورايىمى ءلاززات التىنبەكقىزى مەن «تana» قوعامدىق قورىنىڭ باسشىسى كاميلا اسقارقىزىنا، كاسىپكەر، inDrive حالىقارالىق سەرۆيسىنىڭ نەگىزىن قالاۋشى جانە باس ديرەكتورى ارسەن گريگوريۇلىنا اۋدان جۇرتشىلىعى اتىنان ريزاشىلىعىن ءبىلدىرىپ، ەستەلىك سىيلىق تابىستادى.
سودان سوڭ اۋدانىمىزعا جۇمىس ساپارىمەن كەلگەن «Qazaqstan halqyna» قوعامدىق قورىنىڭ باسقارما ءتورايىمى ءلاززات چينكيسباەۆا، باسقارما توراعاسىنىڭ ورىنباسارى سوفيا ايساعاليەۆا، وبلىس اكىمىنىڭ ورىنباسارى باقىتجان نارىمبەتوۆ، «تانا» قوعامدىق قورىنىڭ باسشىسى كاميلا لۇقپانوۆا، كاسىپكەر، inDrive حالىقارالىق سەرۆيسىنىڭ نەگىزىن قالاۋشى جانە باس ديرەكتورى ارسەن تومسكي جانە اۋدان اكىمى اسلانبەك سارقۇلوۆ «اۋىلدىق جەرلەردە تىرەك مەكتەپتەرىنىڭ الەۋەتىن دامىتۋ» جوباسى اياسىندا جابدىقتالعان مەكتەپ-ليتسەيدىڭ جۇمىسىمەن تانىستى.
مەملەكەت باسشىسىنىڭ تاپسىرماسىنا سايكەس، ەلىمىزدە اۋىل مەكتەپتەرىنىڭ الەۋەتىن ارتتىرۋ بويىنشا جۇيەلى جۇمىستار جۇرگىزىلۋدە. بۇگىنگى تاڭدا ەلىمىزدە «اۋىل مەكتەبى – ساپا الاڭى» رەسپۋبليكالىق جوباسى ىسكە اسىرىلۋدا، ونىڭ ىشىندە «اۋىلدىق جەرلەردە تىرەك مەكتەپتەرىنىڭ اۋەلەتىن دامىتۋ» پيلوتتىق جوباسى قولعا الىندى. يگى باستاما كازتالوۆ مەكتەپ-ليتسەيىنىڭ دە تىنىسىن اشىپ، «Qazaqstan halqyna» قايىرىمدىلىق قورى ارقىلى 250 ميلليون تەڭگەگە مەكتەپتىڭ ماتەريالدىق-تەحنيكالىق بازاسى جاڭارتىلىپ، جاڭا تەحنيكالىق، يننوۆاتسيالىق جانە كاسىبي باعىتتاعى ارنايى كابينەتتەر اشىلدى.
— جوبانى ىسكە اسىرۋدىڭ ءبىرىنشى كەزەڭىنىڭ ناتيجەسىندە مەكتەپتىڭ ماتەريالدىق-تەحنيكالىق بازاسى جاڭارتىلىپ، زاماناۋي پاندىك جانە تسيفرلى كابينەتتەرمەن جابدىقتالدى. سونداي-اق، جىلدامدىعى جوعارى ينتەرنەتپەن قامتاماسىز ەتۋ ماسەلەسى دە وڭ شەشىمىن تاپتى. جوباعا قاتىسۋشى مەكتەپ پەداگوگتارى تسيفرلىق قۇزىرەتتىلىكتى ارتتىرۋ جانە كاسىبي دامىتۋعا باعىتتالعان ارنايى كۋرستاردان وتۋدە. سونىمەن قاتار ورال قالاسىنداعى فيزيكا-ماتەماتيكا باعىتىنداعى نازارباەۆ زياتكەرلىك مەكتەبىمەن، ورال قالاسى فيليالىنىڭ پەداگوگيكالىق شەبەرلىك ورتالىعىمەندە بىرلەسكەن جۇمىستار اتقارىلۋدا، — دەدى ديرەكتوردىڭ وقۋ ءىسى جونىندەگى ورىنباسارى ءاليا بالداحوۆا.
مەكتەپتە قور قولداۋىمەن مەكتەپالدى دايارلىق، باستاۋىش سىنىپتار، اعىلشىن ءتىلى، قازاق ءتىلى مەن ادەبيەتى، تاريح، فيزيكا، ماتەماتيكا، بيولوگيا، حيميا، گەوگرافيا ينفورماتيكا، العاشقى اسكەري دايىندىق، تەحنولوگيا جانە سپورت زال، اكت زال كابينەتتەرى تولىعىمەن جابدىقتالسا، جاڭادان ەرەكشە ءبىلىم بەرۋدى قاجەت ەتەتىن بالالارمەن جۇمىس جاساۋعا ارنالعان ارنايى كابينەتتەرى، «شاشتاراز»، «Audio ستۋديا»، «لينگوفون»، «مۇسىندەۋ»، «Art ستۋديا»، «STEM»، «تەلەستۋديا»، «گيدروپونيكا» سياقتى كابينەتتەرى اشىلدى.
اۋدان ورتالىعىنداعى «ءبىلىم مەن شابىت» مەكەنى اتانعان مەكتەپ-ليتسەي بىرنەشە يننوۆاتسيالىق جوبالاردى ىسكە اسىرىپ، پەداگوگتارى مەن وقۋشىلارى رەسپۋبليكالىق، وبلىستىق بايقاۋلاردا جۇلدەگەر اتانىپ كەلەدى. دەمەك، بۇل بازالىق جاڭارتۋدان وتكىزىلگەن كازتالوۆ مەكتەپ-ليتسەيى ۇجىمىنىڭ الدىندا ۇلكەن مىندەتتەر مەن جاۋاپكەرشىلىكتەر تۇر.
