Qaztalov aýdandyq kitaphanasy «Qazaqstan halqyna» jáne «Tana» qoǵamdyq qorlarynyń esebinen zaman talabyna saı jabdyqtaldy. Qaıta jańǵyrýdan ótken kitaphananyń ashylý saltanatyna «Qazaqstan halqyna» qoǵamdyq qorynyń basqarma tóraıymy Lázzat Chınkısbaeva, basqarma tóraǵasynyń orynbasary Sofııa Aısaǵalıeva, oblys ákiminiń orynbasary Baqytjan Narymbetov, aýdan ákimi Aslanbek Sarqulov, «Tana» qoǵamdyq qorynyń basshysy Kamıla Luqpanova, J.Moldaǵalıev atyndaǵy oblystyq ortalyq ámbebap ǵylymı kitaphana dırektory Sholpan Orazaeva, kásipker, inDrive halyqaralyq servısiniń negizin qalaýshy jáne bas dırektory Arsen Tomskıı qatysty.
Saltanatty is-sharada sóz alǵan Batys Qazaqstan oblysy ákiminiń orynbasary Baqytjan Narymbetov óńirimizde «Qazaqstan halqyna» qoǵamdyq áleýmettik qorynyń qoldaýymen júzege asyrylyp jatqan jumystardy atap ótti.
— Kaztalov aýdandyq kitaphanasynyń jańǵyrýymen barshańyzdy shyn júrekten quttyqtaımyn. Bizder úshin aǵartýshylyq jumystyń mańyzy zor. Urpaǵymyzdyń sanaly, danaly bolýy bilimmen, ilimmen tyǵyz baılanysty. Kitaphana – rýhanı ortalyq. Kaztalov aýdandyq kitaphanasyn memlekettiń qoldaýymen kúrdelý jóndeýden ótken bolatyn. Búgin «Qazaqstan halqyna» qoǵamdyq áleýmettik qory men «Tana» qoǵamdyq qorynyń bastamasymen kitaphana qaıta jańǵyrtylyp otyr. Sonymen qatar Kaztalov mektep-lıeıi 250 mln teńge qarajatqa jabdyqtaldy. Bul Memleket basshysynyń tapsyrmalarynyń aýyldyq jerde júzege asyrylýynyń aıqyn kórinisi. «Qazaqstan halqyna» qoǵamdyq áleýmettik qory 2022 jyldan beri oblysymyzǵa 10 mlrd teńgeden astam qarajat bóldi. Sondaı-aq qordyń bastamasymen kitaphanalardy jańǵyrtý jumystary respýblıka boıynsha alǵash ret Batys Qazaqstan oblysynda júzege asyrylyp otyr. Kaztalov aýdandyq kitaphanasy qaıta jańǵyrtylǵan 13-shi kitaphana. Jalpy oblysymyzdyń 12 aýdanyndaǵy kitaphanalardy qordyń qoldaýy arqyly zaman talabyna saı jabdyqtarmen, kitaptarmen qamtyldy, — dedi oblys ákiminiń orynbasary.
«Qazaqstan halqyna» qoǵamdyq áleýmettik qory adamdarǵa ataýly kómekpen qatar, halyq toptaryna júıeli kómek kórsetedi. Júıeli kómek aıasynda halyq toptarynyń ómirin jaqsartýǵa baǵyttalǵan damý baǵdarlamalary júzege asyrylady, sonyń ishinde balalarǵa arnalǵan sporttyq jáne bilim berý ınfraqurylymyn, sondaı-aq basqa da áleýmettik mańyzdy qyzmetterdi damytýǵa jáne qoljetimdiligin arttyrýǵa járdemdesý baǵyty qarastyrylǵan. Osy baǵyt boıynsha aýdanymyzda Kaztalov, Aqpáter, Jalpaqtal aýyldaryndaǵy kitaphanalar men Kaztalov mektep-lıeıi zaman talabyna saı jabdyqtaldy.
— Barlyǵymyz aýylda týyp, aýylda óstik. Ózderińizge belgili 2022 jyldan beri Memleket basshysynyń tapsyrmasymen «Qazaqstan halqyna» qoǵamdyq áleýmettik qory quryldy. Elimizdegi iri kompanııalar qorǵa qarjy aýdaryp,búginde qarjy álýeýmettik kómek kórsetýge jáne 100-den astam áleýmettik mańyzy bar jobalarǵa bólinip otyr. Memleket basshysy Qasym-Jomart Kemeluly Atyraýda ótken Ulttyq quryltaıdyń úshinshi otyrysynda: «Shyn máninde, ozyq oıly ult bolýdyń eń tóte joly – kitap oqý. Sondyqtan kitap oqý mádenıetin qoǵamda barynsha ornyqtyrýymyz kerek», — degen bolatyn. Al kitaphanalarymyzdyń zamanaýı úlgide jabdyqtalýy oqyrmannyń qyzyǵýshylyǵyn arttyryp, kitap oqý mádenıetiniń qalyptasýyna zor septigin tıgizedi dep oılaımyn. Prezıdent ıdeıasyn júzege asyrý maqsatynda «Tana» qoǵamdyq uıymynyń bastamasymen, «Qazaqstan halqyna» qoǵamdyq áleýmettik qorynyń qoldaýymen BQO-daǵy kitaphanalardy jańǵyrtyp jatyrmyz. Aýyldaǵy aǵaıyn da janǵa jaıly rýhanı ortalyqta kókjıegin keńeıtedi degen senimdemin, — dedi «Qazaqstan halqyna» qoǵamdyq qorynyń basqarma tóraıymy Lázzat Chınkısbaeva.
Aýdandyq kitaphana zamanaı úlgidegi jıhazdarmen, kitaptarmen tolyq qamtylyp qana qoımaı, kitaphanalyq sharalarǵa arnalǵan birneshe aımaqqa bólingen. Kitaphanada jaılylyq keńistigi, ınteraktıvti alań, shyǵarmashylyq aımaq, is-sharalar aımaǵy (abonement), balalar shyǵarmashylyq bólimi, oqý zaly aımaǵy jáne konferen zaly bar. Kitap qory da jańa kitaptarmen tolyqty. Bul ult rýhanııatyn órkendetýge baǵyttalǵan ınvestıııa. Aýdan ákimi «Qazaqstan halqyna» qoǵamdyq qorynyń basqarma tóraıymy Lázzat Altynbekqyzy men «Tana» qoǵamdyq qorynyń basshysy Kamıla Asqarqyzyna, kásipker, inDrive halyqaralyq servısiniń negizin qalaýshy jáne bas dırektory Arsen Grıgorııulyna aýdan jurtshylyǵy atynan rızashylyǵyn bildirip, estelik syılyq tabystady.
Sodan soń aýdanymyzǵa jumys saparymen kelgen «Qazaqstan halqyna» qoǵamdyq qorynyń basqarma tóraıymy Lázzat Chınkısbaeva, basqarma tóraǵasynyń orynbasary Sofııa Aısaǵalıeva, oblys ákiminiń orynbasary Baqytjan Narymbetov, «Tana» qoǵamdyq qorynyń basshysy Kamıla Luqpanova, kásipker, inDrive halyqaralyq servısiniń negizin qalaýshy jáne bas dırektory Arsen Tomskıı jáne aýdan ákimi Aslanbek Sarqulov «Aýyldyq jerlerde tirek mektepteriniń áleýetin damytý» jobasy aıasynda jabdyqtalǵan mektep-lıeıdiń jumysymen tanysty.
Memleket basshysynyń tapsyrmasyna sáıkes, elimizde aýyl mektepteriniń áleýetin arttyrý boıynsha júıeli jumystar júrgizilýde. Búgingi tańda elimizde «Aýyl mektebi – sapa alańy» respýblıkalyq jobasy iske asyrylýda, onyń ishinde «Aýyldyq jerlerde tirek mektepteriniń áýeletin damytý» pılottyq jobasy qolǵa alyndy. Igi bastama Kaztalov mektep-lıeıiniń de tynysyn ashyp, «Qazaqstan halqyna» qaıyrymdylyq qory arqyly 250 mıllıon teńgege mekteptiń materıaldyq-tehnıkalyq bazasy jańartylyp, jańa tehnıkalyq, ınnovaııalyq jáne kásibı baǵyttaǵy arnaıy kabınetter ashyldy.
— Jobany iske asyrýdyń birinshi kezeńiniń nátıjesinde mekteptiń materıaldyq-tehnıkalyq bazasy jańartylyp, zamanaýı pándik jáne ıfrly kabınettermen jabdyqtaldy. Sondaı-aq, jyldamdyǵy joǵary ınternetpen qamtamasyz etý máselesi de oń sheshimin tapty. Jobaǵa qatysýshy mektep pedagogtary ıfrlyq quzyrettilikti arttyrý jáne kásibı damytýǵa baǵyttalǵan arnaıy kýrstardan ótýde. Sonymen qatar Oral qalasyndaǵy fızıka-matematıka baǵytyndaǵy Nazarbaev zııatkerlik mektebimen, Oral qalasy fılıalynyń Pedagogıkalyq sheberlik ortalyǵymende birlesken jumystar atqarylýda, — dedi dırektordyń oqý isi jónindegi orynbasary Álııa Baldahova.
Mektepte qor qoldaýymen mektepaldy daıarlyq, bastaýysh synyptar, aǵylshyn tili, qazaq tili men ádebıeti, tarıh, fızıka, matematıka, bıologııa, hımııa, geografııa ınformatıka, Alǵashqy áskerı daıyndyq, tehnologııa jáne sport zal, akt zal kabınetteri tolyǵymen jabdyqtalsa, jańadan Erekshe bilim berýdi qajet etetin balalarmen jumys jasaýǵa arnalǵan arnaıy kabınetteri, «Shashtaraz», «Audio stýdııa», «Lıngofon», «Músindeý», «Art stýdııa», «STEM», «Telestýdııa», «Gıdroponıka» sııaqty kabınetteri ashyldy.
Aýdan ortalyǵyndaǵy «Bilim men shabyt» mekeni atanǵan mektep-lıeı birneshe ınnovaııalyq jobalardy iske asyryp, pedagogtary men oqýshylary respýblıkalyq, oblystyq baıqaýlarda júldeger atanyp keledi. Demek, bul bazalyq jańartýdan ótkizilgen Kaztalov mektep-lıeıi ujymynyń aldynda úlken mindetter men jaýapkershilikter tur.
