مەملەكەت باسشىسى قاسىم-جومارت توقاەۆ الەم بىرىنشىلىكتەرىندە توپ جارعان جاس شاحماتشىلارمەن كەزدەستى. بۇل تۋرالى اقوردا جازدى، دەپ حابارلايدى "ادىرنا".
كەزدەسۋگە 8 جاسقا دەيىنگى ساناتتا الەم چەمپيوندارى اتانعان ءادينۇر ادىلبەك پەن اليشا بيساليەۆا، 12 جاسقا دەيىنگى ساناتتا الەم چەمپيونى بولعان دانيس قۋاندىقۇلى، 14 جاسقا دەيىنگى ساناتتا الەم بىرىنشىلىگىندە جەڭىس تۇعىرىنان كورىنگەن مارك سميرنوۆ، 16 جاسقا دەيىنگى سانات بويىنشا الەم چەمپيوناتىندا التىننان القا تاققان ەدگار مامەدوۆ، 16 جاسقا دەيىنگى شاحماتشىلار اراسىندا الەم بىرىنشىلىگىنىڭ كۇمىس جۇلدەسىنە قول جەتكىزگەن ساۋات نۇرعاليەۆ قاتىستى.
مەملەكەت باسشىسىنىڭ ايتۋىنشا، جاس سپورتشىلاردىڭ جەتىستىكتەرى حالىقارالىق ارەنادا قازاقستاننىڭ مەرەيىن ۇستەم ەتەدى ءارى ەلىمىزدە شاحماتتىڭ كەلەشەگى زور ەكەنىن كورسەتەدى.
پرەزيدەنت چەمپيونداردىڭ بيىك ماقساتتارعا ۇمتىلۋى قاجەتتىگىن جەتكىزىپ، ولارعا جارقىن جەڭىستەر تىلەدى.
كەزدەسۋ سوڭىندا قاسىم-جومارت توقاەۆ شاحمات تاقتاسىنا ەستەلىك جازبا قالدىردى.
