الماتىدا "قازاقستان رەسپۋبليكاسىنىڭ ۇلتتىق عىلىم اكادەمياسى" (ۇعا) رەسپۋبليكالىق قوعامدىق بىرلەستىگىنىڭ (رقب) جالپى جينالىسى ءوتىپ، ونىڭ ءوزىن-ءوزى تاراتۋ تۋرالى شەشىم قابىلداندى، دەپ حابارلايدى "ادىرنا" ۇلتتىق پورتالى.
وسىلايشا، ەلدە تەك پرەزيدەنت جانىنداعى ۇلتتىق عىلىم اكادەمياسى عانا جۇمىس ىستەيتىن بولدى.
جينالىستا ۇعا رقب اكادەميكتەرىن پرەزيدەنت جانىنداعى ۇعا-نىڭ جوعارى عىلىمي ۇيىمى قۇرامىنا ەنگىزۋ جانە قوعامدىق اكادەميانى تاراتۋ تۋرالى شەشىم ءبىراۋىزدان ماقۇلداندى.
"اكادەميانىڭ مەملەكەتتىك مارتەبەگە يە بولۋى جانە ونىڭ ەلدەگى بىرەگەي، تۇراقتى عىلىمي ورتالىق رەتىندە قالىپتاسۋى عىلىمي الەۋەتتى بىرىكتىرۋگە مۇمكىندىك بەرەدى", – دەلىنگەن اكادەميا تاراتقان اقپاراتتا.
پرەزيدەنت جانىنداعى ۇلتتىق عىلىم اكادەمياسى 2023 جىلى قۇرىلىپ، مەملەكەتتىك مارتەبەگە يە بولدى. اكادەميكتەردى سايلاۋ اشىق جانە ءادىل ءوتتى. 2024 جىلى قابىلدانعان "عىلىم جانە تەحنولوگيالىق ساياسات تۋرالى" زاڭعا سايكەس، ۇعا جوعارى عىلىمي ۇيىم مارتەبەسىن الدى.
بۇل اكادەميا كەلەسى جىلى 80 جىلدىق مەرەيتويىن اتاپ وتەدى.
ال قوعامدىق بىرلەستىك رەتىندە بەلگىلى بولعان ۇلتتىق عىلىم اكادەمياسىن 2003 جىلدان بەرى مۇرات جۇرىنوۆ باسقارىپ كەلگەن.
