Almatyda "Qazaqstan Respýblıkasynyń Ulttyq ǵylym akademııasy" (UǴA) Respýblıkalyq qoǵamdyq birlestiginiń (RQB) jalpy jınalysy ótip, onyń ózin-ózi taratý týraly sheshim qabyldandy, dep habarlaıdy "Adyrna" ulttyq portaly.
Osylaısha, elde tek Prezıdent janyndaǵy Ulttyq ǵylym akademııasy ǵana jumys isteıtin boldy.
Jınalysta UǴA RQB akademıkterin Prezıdent janyndaǵy UǴA-nyń Joǵary ǵylymı uıymy quramyna engizý jáne qoǵamdyq akademııany taratý týraly sheshim biraýyzdan maquldandy.
"Akademııanyń memlekettik mártebege ıe bolýy jáne onyń eldegi biregeı, turaqty ǵylymı ortalyq retinde qalyptasýy ǵylymı áleýetti biriktirýge múmkindik beredi", – delingen akademııa taratqan aqparatta.
Prezıdent janyndaǵy Ulttyq ǵylym akademııasy 2023 jyly qurylyp, memlekettik mártebege ıe boldy. Akademıkterdi saılaý ashyq jáne ádil ótti. 2024 jyly qabyldanǵan "Ǵylym jáne tehnologııalyq saıasat týraly" zańǵa sáıkes, UǴA Joǵary ǵylymı uıym mártebesin aldy.
Bul akademııa kelesi jyly 80 jyldyq mereıtoıyn atap ótedi.
Al qoǵamdyq birlestik retinde belgili bolǵan Ulttyq ǵylym akademııasyn 2003 jyldan beri Murat Jurynov basqaryp kelgen.
