تۇركىستان وبلىسىندا جول اپاتىنان ءتورت ادام كوز جۇمدى. بۇل تۋرالى تۇركىستان وبلىستىق پوليتسيا دەپارتامەنتى مالىمدەدى، دەپ حابارلايدى “ادىرنا” ۇلتتىق پورتالى.
پوليتسيا دەپارتامەنتى ءباسپاسوز قىزمەتىنىڭ مالىمەتىنشە، تۇركىستان وبلىسىنىڭ «جەتىساي-جىبەك جولى» تاس جولىندا ءتورت ادام قازا تاپقان جول-كولىك وقيعاسى بويىنشا تەرگەۋ جۇرگىزىلىپ جاتىر.
«جول اپاتى «ۆاز» ماركالى ءاۆتوموبيلدىڭ «ۆولۆو» جۇك كولىگىمەن سوقتىعىسۋى سالدارىنان ورىن العان. وقيعا بولعان جەردە جۇرگىزۋشى مەن جەڭىل اۆتوكولىكتىڭ ءۇش جولاۋشىسى قازا تاپقان»، - دەلىنگەن حابارلامادا.
اتالمىش فاكتى بويىنشا سوتقا دەيىنگى تەرگەپ-تەكسەرۋ باستالعان. بارلىق ءمان-جاي انىقتالۋدا.
