تۇركيا پرەزيدەنتى رەجەپ تايپ ەردوعان وڭتۇستىك كورەيا پرەزيدەنتى لي چجە ميوننىڭ شاقىرۋىمەن سەۋل قالاسىنا باردى، دەپ حابارلايدى «ادىرنا» ءتىلشىسى انادولۋعا سىلتەمە جاساپ.
تۇرىك كوشباسشىسى مەن جۇبايى ەمينە ەردوعاندى وڭتۇستىك كورەيا استاناسىنداعى سوننام اۋە بازاسىندا ەلدىڭ ساۋدا ءمينيسترى پاك چجون سون قارسى العان. كەزدەسۋگە تۇركيانىڭ سەۋلدەگى ەلشىسى فاتيح يىلدىز بەن ونىڭ جۇبايى نەسرين يىلدىز دا قاتىسقان.
سەۋلگە ساپارىندا ەردوعانعا سىرتقى ىستەر ءمينيسترى حاكان فيدان، ەنەرگەتيكا جانە تابيعي رەسۋرستار ءمينيسترى الپارسلان بايراكتار، ۇلتتىق قورعانىس ءمينيسترى ياشار گيۋلەر، ونەركاسىپ جانە تەحنولوگيا ءمينيسترى مەحمەت فاتيح كادجىر، سونداي-اق باسقا دا جوعارى لاۋازىمدى تۇلعالار ەرىپ بارعان.
3 قاراشادا ەردوعان وڭتۇستىك كورەيا پرەزيدەنتى لي چجە ميونمەن رەسمي كەزدەسۋ وتكىزۋدى جوسپارلاپ وتىر. كەلىسسوزدەر بارىسىندا ەكى ەل اراسىنداعى ستراتەگيالىق ارىپتەستىكتىڭ بارلىق باعىتى تالقىلانىپ، وزەكتى ايماقتىق جانە جاھاندىق ماسەلەلەر بويىنشا پىكىر الماسۋ كوزدەلگەن. سونىمەن قاتار ەكىجاقتى قارىم-قاتىناستاردىڭ قۇقىقتىق نەگىزىن نىعايتۋعا باعىتتالعان بىرقاتار كەلىسىمگە قول قويىلادى دەپ جوسپارلانىپ وتىر.
ايتا كەتەيىك، ساپار 4 قاراشاعا دەيىن جالعاسادى.
