Ońtústik Koreıanyń Sohean avtomagıstralinde Qazaqstan azamattary otyrǵan Mercedes-Benz kóligi jardan qulap, órtendi, dep habarlaıdy "Adyrna" ulttyq portaly Korea JoongAng Daily-ge siltep.
Oqıǵa Kengıdo ólkesiniń Hvason qalasynda jergilikti ýaqyt boıynsha 00:30 shamasynda bolǵan. Kólik joldyń oń jaq betindegi qorshaýǵa soǵylyp, artynsha birneshe metr tómen qulaǵan. Apat saldarynan salonda bolǵan tórt adamnyń barlyǵy kóz jumdy.
Tótenshe jaǵdaı qyzmetkerleri oqıǵa ornyna jedel jetip, 30 mınýt ishinde órtti sóndirgen. Órt sóndirilgennen keıin avtokólik ishinen 4 adamnyń máıiti tabylǵan.
Qaıtys bolǵandardyń aty-jóni áli anyqtalǵan joq. Qazirgi tańda jergilikti polıııa oqıǵanyń naqty sebepterin zerttep jatyr.
Qazaqstannyń syrtqy ister mınıstrligi atalǵan jol apatyna baılanysty málimet suratqanyn habarlady.
