پرەزيدەنت قاسىم-جومارت توقاەۆ تۇركى تىلدەرىنە ورتاق تەرمينولوگيالىق نەگىز قالىپتاستىرۋ تۋرالى ۇسىنىس تاستادى. بۇل تۋرالى ول تۇركى مەملەكەتتەرى ۇيىمىنىڭ بەيرەسمي سامميتىندە ايتتى، دەپ حابارلايدى "ادىرنا".
"كەلەسى ماڭىزدى ماسەلە. تەحنولوگيالىق دامۋ جانە گۋمانيتارلىق ىقپالداستىق داۋىرىندە تۇركى تىلدەرىنە ورتاق تەرمينولوگيالىق نەگىز قالىپتاستىرۋ قاجەت", - دەدى توقاەۆ.
مەملەكەت باسشىسى جاقىندا تۇركى اكادەمياسى اعىلشىن، ورىس جانە تۇركى تىلدەرىندە سەگىز تومدىق تەرمينولوگيالىق سوزدىكتى جارىققا شىعارعانىن ەسكە سالدى.
"بۇل جۇمىس تەرميندەردى ءبىر ىزگە كەلتىرۋگە جانە ورتاق عىلىم كەڭىستىگىن نىعايتۋعا ىقپال ەتپەك. وسى ورايدا كەڭەسكە مۇشە ەلدەردىڭ ءتيىستى مەكەمەلەرىنىڭ وكىلدەرى، عىلىمي ساراپشىلارى كىرەتىن مەملەكەتارالىق تەرمينولوگيالىق كوميسسيا قۇرۋدى ۇسىنامىن", - دەدى ول.
