«قازاقمىس» كورپوراتسياسىنىڭ بۇرىنعى قىزمەتكەرى، حيميالىق زەرتحانالار باسقارماسىنىڭ ەكس-باسشىسى باحىت ءادىلوۆا كومپانيا تۋرالى اقپارات تاراتقانى ءۇشىن اكىمشىلىك جاۋاپكەرشىلىككە تارتىلۋى مۇمكىن، دەپ حابارلايدى “ادىرنا” ۇلتتىق پورتالى قازتاگ-قا سىلتەپ.
باحىت ءادىلوۆانىڭ ايتۋىنشا، وعان تەمىرتاۋ پوليتسياسىنان حابارلاسىپ، «قازاقمىس» ونىڭ ۇستىنەن ارىز تۇسىرگەنىن جانە ءىستىڭ استاناعا جولداناتىنىن حابارلاعان. ول بۇل جاعدايدى ءماجىلىس دەپۋتاتى ازات پەرۋاشەۆتىڭ «قازاقمىس» قىزمەتىنە قاتىستى دەپۋتاتتىق ساۋالىمەن بايلانىستىرىپ وتىر.
كورپوراتسيا بۇرىنعى قىزمەتكەردىڭ تاراتقان مالىمەتتەرىن «جالعان» دەپ اتاپ، ونى اكىمشىلىك جاۋاپكەرشىلىككە تارتۋ قاجەتتىگىن مالىمدەگەن. الايدا، قاراعاندى وبلىستىق پوليتسيا دەپارتامەنتى بۇل ماسەلەگە قاتىستى پىكىر بىلدىرۋدەن باس تارتتى.
اگەنتتىك «قازاقمىس» كورپوراتسياسىنىڭ ءباسپاسوز قىزمەتىنە ناقتى قانداي ايىپ تاعىلىپ وتىرعانىن ءبىلۋ ءۇشىن ساۋال جولداعان. كومپانيا وكىلدەرى رەسمي سۇرانىستى كورپوراتسيا كەڭسەسىنە جىبەرۋدى سۇرادى.
قازىرگى ۋاقىتتا ءىستىڭ قالاي ءوربيتىنى بەلگىسىز.
