«Qazaqmys» korporasiiasynyŋ būrynǧy qyzmetkerı, himiialyq zerthanalar basqarmasynyŋ eks-basşysy Bahyt Ädılova kompaniia turaly aqparat taratqany üşın äkımşılık jauapkerşılıkke tartyluy mümkın, dep habarlaidy “Adyrna” ūlttyq portaly QazTAG-qa sıltep.
Bahyt Ädılovanyŋ aituynşa, oǧan Temırtau polisiiasynan habarlasyp, «Qazaqmys» onyŋ üstınen aryz tüsırgenın jäne ıstıŋ Astanaǧa joldanatynyn habarlaǧan. Ol būl jaǧdaidy Mäjılıs deputaty Azat Peruaşevtıŋ «Qazaqmys» qyzmetıne qatysty deputattyq saualymen bailanystyryp otyr.
Korporasiia būrynǧy qyzmetkerdıŋ taratqan mälımetterın «jalǧan» dep atap, ony äkımşılık jauapkerşılıkke tartu qajettıgın mälımdegen. Alaida, Qaraǧandy oblystyq polisiia departamentı būl mäselege qatysty pıkır bıldıruden bas tartty.
Agenttık «Qazaqmys» korporasiiasynyŋ baspasöz qyzmetıne naqty qandai aiyp taǧylyp otyrǧanyn bılu üşın saual joldaǧan. Kompaniia ökılderı resmi sūranysty korporasiia keŋsesıne jıberudı sūrady.
Qazırgı uaqytta ıstıŋ qalai örbitını belgısız.
Ūqsas jaŋalyqtar
