سەمەي قالاسىندا 13-14 جاستاعى ەكى ءجاسوسپىرىم مەكتەپتى تەرروريستەر باسىپ الدى دەگەن اقپارات تاراتقان. تەراكت تۋرالى ازىلدەگەن وقۋشىلاردىڭ اتا-اناسىنا ايىپپۇل سالىندى. بۇل تۋرالى ىشكى ىستەر مينيسترلىگى مالىمدەدى، دەپ حابارلايدى “ادىرنا” ۇلتتىق پورتالى.
وقيعا 17 قاڭتاردا بولعان.
«پوليتسيا تەرروريستەردى تۇتقىنداۋ تۋرالى حابارلاماعا بايلانىستى مەكەمەنى قورشاۋعا الدى. تەكسەرۋ بارىسىندا اقپارات راستالمادى. كەيىنىرەك مەكتەپتە تەرروريستىك اكت تۋرالى 13-14 جاس ارالىعىنداعى ەكى ءجاسوسپىرىم حابارلاعانى بەلگىلى بولدى، ولار جەدەل ارناعا قوڭىراۋ شالدى.
ءساتسىز ءازىل جازاعا اكەلدى. ارنايى قىزمەتتەردى جالعان شاقىرعانى ءۇشىن جاسوسپىرىمدەردىڭ اتا-انالارى قولدانىستاعى زاڭناماعا سايكەس جاۋاپكەرشىلىككە تارتىلدى»، دەلىگگەن حابارلامادا.
سونداي-اق، ەكى وقۋشى ەسەپكە الىندى، ولاردىڭ مىنەز-قۇلقى ەندى يۋۆەنالدى پوليتسيا ينسپەكتورلارىنىڭ باقىلاۋىندا بولادى.
