تولاسسىز جاۋىن-شاشىننىڭ سالدارىنان الماتى وبلىسىنداعى قوتىرابۇلاق وزەنى ارناسىنان اسىپ، تالعار اۋدانى بەساعاش اۋىلىندا جەتى اۋلا اۋماعى مەن مەديتسينالىق ورتالىقتى سۋ باستى. بۇل تۋرالى وبلىستىق توتەنشە جاعدايلار دەپارتامەنتى مالىمدەدى، دەپ حابارلايدى “ادىرنا”.
وقيعا بۇگىن، 25 ناۋرىزدا بولعان.
الدىن الا مالىمەتتەر بويىنشا، سۋ باسۋعا وزەن ارناسىنىڭ زاڭسىز تارىلۋى سەبەپ بولعان. تۇرعىندار وزەننىڭ تابيعي ارناسىنا قورشاۋ مەن كۇركەلەر ورناتقان، بۇل سۋدىڭ وتكىزۋ قابىلەتىن تومەندەتكەن.
«سالدارىن جويۋ جانە سۋ باسۋدىڭ الدىن الۋ ماقساتىندا تالعار اۋدانىنىڭ توتەنشە جاعدايلار ءبولىمى جەرگىلىكتى اتقارۋشى ورگاندارمەن بىرلەسىپ، سۋ باسقان ۇيلەردىڭ جوعارعى بولىگىندە ارىق جۇيەسىن تەرەڭدەتۋ جۇمىستارىن جۇرگىزۋدە. جۇمىسقا الماتى وبلىسى تجد جانە جەرگىلىكتى اتقارۋشى ورگاندارىنان 15 ادام، 5 تەحنيكا جانە 2 موتوپومپا جۇمىلدىرىلدى» دەلىنگەن دەپارتامەنت حابارلاماسىندا.
قازىرگى ۋاقىتتا سۋ اعىمى توقتاتىلعان، زاڭ بۇزۋشىلاردى انىقتاۋ جانە وزەن ارناسىنىڭ تابيعي وتكىزۋ قابىلەتىن قالپىنا كەلتىرۋ جۇمىستارى جۇرگىزىلىپ جاتىر.
