ماڭعىستاۋ وبلىسىنداعى شەتپە ەلدى مەكەنىندە نوسەر جاۋىن-شاشىن بولىپ، اۋىلدى سۋ باستى، دەپ حابارلايدى «ادىرنا» ءتىلشىسى.
كۋاگەرلەردىڭ ايتۋىنشا، جاڭبىر بىرنەشە ساعات بويى تولاسسىز جاۋعان. سالدارىنان كولىكتەر باتپاققا باتىپ، اينالما جول ىزدەۋگە ءماجبۇر بولعان.
بۇگىن، 28 شىلدەدە اۋىل اكىمدىگى جاۋىن سالدارىنان جينالعان سۋدىڭ تولىعىمەن تازارتىلعانىن ايتتى.
«27 شىلدە كۇنى شەتپە اۋىلىندا وتكىنشى جاۋىن سالدارىنان كوشەلەردە جانە اششىبۇلاق شاعىن اۋدانىندا 18 ءۇي̆دىڭ اۋلاسىنا قارعىن سۋ جينالعاندىعى تۋرالى جاعداي̆ تىركەلدى. جينالعان سۋدى تازارتۋ ماقساتىندا 9 ارناي̆ى تەحنيكا مەن كولىك، 20 سۋ سوراتىن جۇرمەلى جانە تاسىمالداناتىن موتوپومپا جانە 32 ادامنان قۇرالعان بريگادا جۇمىلدىرىلىپ، قازىرگى تاڭدا اۋماقتار تازارتىلدى»،–دەلىنگەن حابارلامادا.
اكىمدىك الەۋمەتتىك جەلىلەردە تارالعان «مال شىعىنى بولدى» دەگەن اقپاراتتى جوققا شىعارىپ، جاعدايدىڭ تولىق باقىلاۋدا ەكەنىن جانە تۇرعىندارعا قاۋىپ ءتونىپ تۇرماعانىن مالىمدەدى.
