Tolassyz jaýyn-shashynnyń saldarynan Almaty oblysyndaǵy Qotyrabulaq ózeni arnasynan asyp, Talǵar aýdany Besaǵash aýylynda jeti aýla aýmaǵy men medıınalyq ortalyqty sý basty. Bul týraly oblystyq tótenshe jaǵdaılar departamenti málimdedi, dep habarlaıdy “Adyrna”.
Oqıǵa búgin, 25 naýryzda bolǵan.
Aldyn ala málimetter boıynsha, sý basýǵa ózen arnasynyń zańsyz tarylýy sebep bolǵan. Turǵyndar ózenniń tabıǵı arnasyna qorshaý men kúrkeler ornatqan, bul sýdyń ótkizý qabiletin tómendetken.
«Saldaryn joıý jáne sý basýdyń aldyn alý maqsatynda Talǵar aýdanynyń Tótenshe jaǵdaılar bólimi jergilikti atqarýshy organdarmen birlesip, sý basqan úılerdiń joǵarǵy bóliginde aryq júıesin tereńdetý jumystaryn júrgizýde. Jumysqa Almaty oblysy TJD jáne jergilikti atqarýshy organdarynan 15 adam, 5 tehnıka jáne 2 motopompa jumyldyryldy» delingen departament habarlamasynda.
Qazirgi ýaqytta sý aǵymy toqtatylǵan, zań buzýshylardy anyqtaý jáne ózen arnasynyń tabıǵı ótkizý qabiletin qalpyna keltirý jumystary júrgizilip jatyr.
