سپورتتى دامىتۋ ديرەكتسياسىنىڭ بۇرىنعى ديرەكتورى الاياقتىق جاسادى دەگەن كۇدىككە ءىلىندى، دەپ حابارلايدى "ادىرنا" پورتالى.
باتىس قازاقستان وبلىسى بويىنشا سىبايلاس جەمقورلىققا قارسى قىزمەت ەكس-شەنەۋنىكتى ۇستاعانىن حابارلادى.
قازىر سپورت جانە دەنە شىنىقتىرۋ ىستەرى كوميتەتىنىڭ «سپورتتى دامىتۋ ديرەكتسياسى» رمقك بۇرىنعى ديرەكتورىنا قاتىستى سوتقا دەيىنگى تەرگەۋ جۇرگىزىلۋدە.
كۇدىكتى رەتىندە ۇستالعان ازامات 2021-2022 جىلدارى الداۋ ارقىلى جالپى سوماسى 57 ملن تەڭگە بيۋدجەت قاراجاتىن جىمقىرعانى انىقتالدى.
بۇل قاراجاتتى بقو دەنە شىنىقتىرۋ جانە سپورت باسقارماسى «Artsport» باعدارلاماسى بويىنشا جان باسىنا قارجىلاندىرۋ شارتى شەڭبەرىندە بالالاردى وقىتۋ بويىنشا كورسەتىلەتىن قىزمەتتەرگە «اقجايىق فك» جشس-نە بولگەن ەكەن.
سوتتىڭ سانكتسياسىمەن قازىر شەنەۋنىك قاماۋعا الىندى.
