الماتى اۋەجايىندا بيلەت بەرۋ جۇيەسىندەگى اقاۋلاردىڭ سەبەپتەرى اتالدى. اۋەجاي اكىمشىلىگى بارلىق جۇيەلەردىڭ جۇمىسى قالپىنا كەلتىرىلگەنىن مالىمدەدى، دەپ حابارلايدى “ادىرنا” ۇلتتىق پورتالى Tengrinews.kz سايتىنا سىلتەپ.
"بۇگىن ينتەرنەتتە ۋاقىتشا ۇزىلىستەر بولدى، بۇل كەيبىر حاا قىزمەتتەرىنىڭ جۇمىسىنا اسەر ەتتى. ماماندار ماسەلەنى تەز ارادا جوندەپ، ساعات 06:00-دە بارلىق جۇيەلەر ءساتتى قالپىنا كەلتىرىلىپ، قالىپتى رەجيمدە جۇمىس ىستەدى", - دەلىنگەن اۋەجاي حابارلاماسىندا.
ەسكە سالا كەتەيىك، بۇگىن قازاقستاندىق الەۋمەتتىك جەلىدە الماتى حالىقارالىق اۋەجايىندا تەحنيكالىق اقاۋ بولعانى تۋرالى اقپارات جاريالاعان بولاتىن. كەيىنىرەك ول Instagram-دا ۆيدەو جاريالاپ، بيلەتىنىڭ قولمەن تولتىرىلعانىن كورسەتتى. ونىڭ ايتۋىنشا، رەيس ءۇش ساعاتتان استام ۋاقىتقا كەشىكتىرىلگەن.
"ينتەرنەت پروۆايدەرلەرىنىڭ جۇمىسىنىڭ بۇزىلۋى الماتى حالىقارالىق اۋەجايىنىڭ كەيبىر قىزمەتتەرىنىڭ جۇمىسىندا ۇزىلىستەرگە الىپ كەلدى. وسىعان بايلانىستى جولاۋشىلاردى تىركەۋ قولمەن جازىلدى. اۋەجايعا جولاۋشىلاردىڭ كىرۋىنە كەدەرگى كەلتىرمەس ءۇشىن قازىرگى ۋاقىتتا بارلىق شلاگباۋمدار اشىلعان. قازىرگى ۋاقىتتا جۇيەلەر رەزەرۆتىك ينتەرنەت قوسىلۋى ارقىلى جۇمىس ىستەپ تۇر. جولاۋشىلارىمىزعا كەلتىرىلگەن ىڭعايسىزدىقتار ءۇشىن كەشىرىم سۇرايمىز", - دەپ حابارلادى اۋەجايدىڭ ءباسپاسوز قىزمەتى.
