Almaty áýejaıynda bılet berý júıesindegi aqaýlardyń sebepteri ataldy. Áýejaı ákimshiligi barlyq júıelerdiń jumysy qalpyna keltirilgenin málimdedi, dep habarlaıdy “Adyrna” ulttyq portaly Tengrinews.kz saıtyna siltep.
"Búgin ınternette ýaqytsha úzilister boldy, bul keıbir HAA qyzmetteriniń jumysyna áser etti. Mamandar máseleni tez arada jóndep, saǵat 06:00-de barlyq júıeler sátti qalpyna keltirilip, qalypty rejımde jumys istedi", - delingen áýejaı habarlamasynda.
Eske sala keteıik, búgin qazaqstandyq áleýmettik jelide Almaty halyqaralyq áýejaıynda tehnıkalyq aqaý bolǵany týraly aqparat jarııalaǵan bolatyn. Keıinirek ol Instagram-da vıdeo jarııalap, bıletiniń qolmen toltyrylǵanyn kórsetti. Onyń aıtýynsha, reıs úsh saǵattan astam ýaqytqa keshiktirilgen.
"Internet provaıderleriniń jumysynyń buzylýy Almaty halyqaralyq áýejaıynyń keıbir qyzmetteriniń jumysynda úzilisterge alyp keldi. Osyǵan baılanysty jolaýshylardy tirkeý qolmen jazyldy. Áýejaıǵa jolaýshylardyń kirýine kedergi keltirmes úshin qazirgi ýaqytta barlyq shlagbaýmdar ashylǵan. Qazirgi ýaqytta júıeler rezervtik ınternet qosylýy arqyly jumys istep tur. Jolaýshylarymyzǵa keltirilgen yńǵaısyzdyqtar úshin keshirim suraımyz", - dep habarlady áýejaıdyń baspasóz qyzmeti.
